The news is by your side.

Advertisement

مقبوضہ کشمیر میں کرفیو، عوام پاکستان کا جشنِ آزادی منانے سے محروم

سری نگر:آج پاکستان کا یومِ آزادی ہے اورخود کو جمہوریت کا چیمپئین کہنے والی بھارت سرکار نے پاکستان کے یوم آزادی پر مقبوضہ کشمیر میں کرفیو لگا کر کشمیری عوام کو انن کے حق ِ خود ارادیت سے محروم کردیا ہے۔

تفصیلات کے مطابق قابض بھارتی فوج نے آج 14 اگست کو وادی میں کرفیو نافذ کرکے سید علی گیلانی سمیت اہم حریت رہنمائوں کو نظر بند کردیا ہے۔

kashmir

kashmir

مقبوضہ کشمیر میں کشمیری عوام کی جانب سے پاکستان کا جشن آزادی منانے کی تیاریاں زوروں پر تھیں کہ بھارتی فوج نے سری نگر میں کرفیو نافذ کردیا۔

بھارتی فوج نے محمد یاسین ملک اور حکیم عبدالرشید کو حراست میں لے کر تھانے میں بند کر دیا جبکہ بزرگ کشمیری رہنما سید علی گیلانی،شبیر احمد شاہ،محمد اشرف،سلیم گیلانی کو گھروں میں نظر بند دیا۔

kashmir

واضح رہے کہ گزشتہ کچھ مہینوں سے کشمیر میں پاکستان کے ساتھ الحاق کی تحریک میں تیزی آگئی ہے اور وہاں متعدد بار پاکستان کی حمایت میں نکالی جانے والی ریلیوں پر لاٹھی چارج اور شیلنگ کے واقعات پیش آچکے ہیں۔

kashmir

اقوام متحدہ کی قرارداد میں کشمیریوں کو ان کی مرضی کے مطابق رائے دہی کا حق حاصل ہے کہ وہ کس ملک کے ساتھ الحاق چاہتے ہیں لیکن بھارت کشمیریوں کے اس دیرینہ مطالبے سے گزشتہ کئی سال سے چشم پوشی کرتا آرہا ہے۔

Comments

comments

یہ بھی پڑھیں