نئی دہلی : بھارتی روپے کو مزید جھٹکا لگ گیا، ریزرو بینک آف انڈیا کی کوششوں کے باوجود امریکی ڈالر بھارت میں بھی سر چڑھ کر بولنے لگا۔
اس حوالے سے روئٹرز کی رپورٹ کے مطابق تجزیہ کاروں کا کہنا ہے کہ پیر کے روز ہندوستانی روپے کی قدر امریکی ڈالر کے مقابلے میں کم ہوئی ہے، بھارتی کرنسی جمعہ کو 83.25 پر بند ہوئی تھی۔
ان کا کہنا تھا کہ بھارتی روپیہ کی مسلسل تنزلی کے باعث ریزرو بینک آف انڈیا نے ڈالر کی خریداری کی تاکہ بھارتی روپیہ مستحکم ہوسکے۔
پچھلے سیشن میں 83.2450 پر بند ہونے کے بعد اسپاٹ سیشن میں کرنسی کی 83.2450سے 83.27میں ٹریڈنگ ہوئی۔
ہندوستانی کرنسی نے کافی حد تک ڈالر کی قدر میں اضافے کے دوران اپنی حیثیت کسی حد تک برقرار رکھی ہے جو ممکنہ طور پر مرکزی بینک کی مداخلت کے باعث ہوا لیکن جب ڈالر گرتا ہے تو اس میں زیادہ اضافہ نہیں ہوا۔
تاجروں نے کہا کہ ریزرو بینک نے پیر کو ڈالر 83.26-83.27 کی سطح کے قریب فروخت کرنے کا امکان ظاہر کیا ہے کیونکہ روپیہ 83.29 کی ریکارڈ کم ترین سطح کے قریب رہا ہے لیکن تجزیہ کاروں کا یہ بھی کہنا ہے کہ یہی صورتحال رہی تو روپیہ زیادہ دیر تک اپنی قدر کو برقرار رکھنے سے قاصر رہے گا۔
