The news is by your side.

Advertisement

بھارتی اداکار ٹام آلٹر 67 برس کی عمر میں چل بسے

 

ممبئی: کینسر کے مرض میں مبتلاء امریکی نژاد بھارتی اداکار ٹام آلٹر 67 برس کی عمر میں دنیائے فانی سے کوچ کرگئے۔

تفصیلات کے مطابق ٹام آلٹر عرصہ دراز سے کینسر سے جنگ لڑ رہے تھے تاہم وہ اس میں ناکام رہے اور گزشتہ روز ممبئی میں موجود اپنی رہائش گاہ پر انتقال کر گئے۔

ٹام آلٹر نے سن 1976 میں بننے والی بھارتی فلم چرس سے اپنے فنی کیرئیر کا آغاز کیا اور صلاحیتوں کا لوہا منواتے ہوئے 300 ڈراموں اور فلموں میں اداکاری کے جوہر دکھائے۔

امریکی نژاد بھارتی اداکار نے فلم کرانتی سے شہرت کی بلندیوں کو چھوا علاوہ ازیں ٹام آلٹر نے دیگر شطرنج کے کھلاڑی، رام تیرا گنگا میلی، کرما، سونے پہ سہاگا اوتار سمیت نامور فلموں میں کام کیا۔

اداکار کے انتقال کی خبر آتے ہی شوبز کے معروف اداکار وں نے گہرے رنج اور دکھ کا اظہار کرتے ہوئے ٹام آلٹر کو خراج تحسین پیش کیا۔

شوبز اسٹارز کی تعزیت

رشی کپور نے سماجی رابطے کی ویب سائٹ پر ٹوئٹ کیا کہ میرا دوست میرے ساتھ کام کرنے والا ٹام آلٹر، رحمت ہو تم پر سکون کی جگہ جاؤ۔

بھارتی فلم ساز مہیش بھٹ نے ٹوئٹ میں کہا کہ ’میرے قابل اعتماد دوست الوداع‘

علاوہ ازیں‌ دیگر معروف شخصیات نے بھی ٹام آٹلر کی موت پر دکھ کا اظہار کیا.

یاد رہے ٹام آلٹر بھارتی شہر میسوری میں پیدا ہوئے اور انہوں نے ابتدائی تعلیم آبائی علاقے میں ہی حاصل کی، ٹام آرٹلر نے 2008 میں پدما شری ایوارڈ کا اعزاز اپنے نام کیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں