نئی دہلی : بھارت کا کارگو بحری جہاز بحری قزاقوں نے اغوا کرلیا ہے۔
بھارتی میڈیا کے مطابق بحری قزاقوں نے بھارت کے کارگو جہاز کو اغواء کرلیا ہے، کارگو جہازدبئی سے یمن جارہا تھا، اغواء کیے جانیوالے جہاز میں عملے کے 11 ارکان سوار ہیں۔
جہاز کے کپتان نے دبئی میں بھاتی حکام کو واقعے کے بارے آگاہ کردیا ہے جبکہ بھارتی وزارت خارجہ کے حکام کو بھی اس واقعے کے متعلق بتادیا گیا ہے۔
بھارتی نیوی حکام کا کہنا ہے کہ جہاز کے عملے کو بازیاب کرانے کیلئے ہرممکن اقدامات کئے جائیں گے۔
ایریس 13′ نامی بحری جہاز کو اغوا
یاد رہے کہ گذشتہ ماہ صومالیہ کے ساحل کے قریب بحری قزاقوں نے ‘ایریس 13’ نامی بحری جہاز کو اغوا کرلیا تھا ، جس میں بڑی مقدار میں خام تیل بھرا ہوا ہے۔
ایریس 13 کے اغوا کو گلوبل شپنگ انڈسٹری کے ماہرین حیران کن قرار دیا تھا کیوں کہ اہم سمندری راہداریوں پر نیٹو ممالک، چین، بھارت اور ایران وغیرہ کی بحریہ مسلسل گشت کرتی رہتی ہیں اور انہوں نے گزشتہ کئی برسوں سے صومالی قزاقوں کو کوئی جہاز اغوا نہیں کرنے دیا تھا۔
