site
stats
عالمی خبریں

بھارت کے یوم آزادی کی تقریب،بھارتی جھنڈا زمین پرآگرا

سری نگر: بھارت کی یوم آزادی کے موقع پر وزیر اعلیٰ محبوبہ مفتی پرچم کشائی کرنے چلی تھیں کہ بھارتی پرچم زمین پر ہی گرادیا۔

تفصیلات کے مطابق سری نگر میں بھارت کی یوم آزادی کی تقریب جاری تھی، جب مقبوضہ وادی کی وزیراعلیٰ محبوبہ مفتی نے بھارت کا جھنڈا لہرانے کیلئے رسی کھینچی تو جھنڈا اوپر جانے کی بجائے نیچے آگرا، جس پر انھیں خفت کا سامنا کرنا پڑا۔

محبوبہ مفتی کا وزیر اعلیٰ بننے کے بعد یہ پہلا موقع تھا کہ وہ پرچم کشائی کر رہی تھیں ،وزیراعلیٰ محبوبہ مفتی نے جھنڈا زمین پر گرنے کا نوٹس لیتے ہوئے واقعہ کی تحقیقات کا حکم دے دیا ہے۔

دوسری جانب مقبوضہ کشمیر میں بھارت کے یوم آزادی کے موقع پر کشمیری عوام کی جانب سے پاکستانی پرچم لہرائے گئے جبکہ سری نگر سمیت پوری مقبوضہ وادی میں کرفیو کے باوجود حریت رہنماؤں کی اپیل پر یوم سیاہ منایا گیا اور بھارت مخالف احتجاجی ریلیاں نکالی بھی نکالیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top