ماضی کی نامور بھارتی اداکارہ ممتاز نے بتایا کہ انڈسٹری میں جنازہ بھی خوبصورت دکھانے کی توقع کی جاتی ہے۔
ماضی کی نامور اداکارہ ممتاز نے 60 اور 70 کی دہائی میں بھارتی فلم انڈسٹری پر راج کیا اور ممتاز کی فلموں بندنھن، آدمی اور انسان، سچا جھوٹا، کھلونا، تیرے میرے سپنے اور ہرے راما ہرے کرشنا سمیت کئی کامیاب فلمیں کیں۔
ممتاز نے ایک انٹرویو میں اپنی زندگی اور اسٹارڈم کے بارے میں کچھ تفصیلات بتائیں۔
اداکارہ نے بتایا کہ ایک اداکار ہونے کے ساتھ ساتھ آپ کو ہمیشہ بہترین نظر آنے کا چیلنج بھی درکار ہوتا ہے ہم سے موت میں بھی خوبصورت نظر آنے کی امید کی جاتی ہے یعنی جنازہ بھی خوبصورت لگنا چاہیے۔
انہوں نے کہا کہ یہ سچ ہے لیکن مجھے عام طور پر رہنا پسند ہے مجھے گھریلو خاتون ہونے کا مزہ آتا ہے میں سبزیوں پھلوں کی خریداری کرنے جاتی ہوں اور ہر چیز کا تجربہ کرنا چاہتی ہوں۔
ممتاز نے کہا کہ میری ایک عام سی تصویر جس میں اتنی خوبصورت نہیں لگ رہی تھی وائرل ہوگئی مثال کے طور پر تقریباً 20 سال پہلے جب میں کینسر کا علاج کروا رہی تھی تو میں چہرہ پھول گیا تھا وہ ‘پھیلی’ تصویر برسوں تک گردش کرتی رہی اور لوگوں نے تبصرہ کیا کہ ممتاز ختم ہو گئی ہے، کیا تھی اور کیا ہو گئی ہے۔
View this post on Instagram
اداکارہ نے کہا کہ بڑی عاجزی کے ساتھ میں آج بھی سرخیوں میں ہوں میں وہی پرانی ممتاز ہوں صرف یہ ہے کہ میں اسکرین پر نظر نہیں آتی۔ میرے دوست مجھے میرے رقص، گانوں اور مناظر کے کلپس بھیجتے ہیں گلیوں میں لوگ میرے ساتھ تصاویر بنواتے ہیں اور میں کبھی انکار نہیں کرتی بلکہ ان کا احترام کرتی ہوں۔
View this post on Instagram
بھارتی میڈیا کے مطابق ممتاز لندن میں مقیم ہیں اور مارچ میں ممبئی پہنچیں یہ دو ماہ میں ان کا بھارت کا دوسرا دورہ ہے اداکارہ اپنے شوہر میور مادھوانی کے ساتھ بھارت آئیں۔
