لاہور: انٹیلی جنس اداروں کی جانب سے لاہورمیں ایسٹرکےموقع پردہشتگردی کی بڑی کوشش ناکام بنا دی گئی جبکہ کارروائی میں ایک دہشت گرد ماراگیا اورخاتون کو گرفتارکیا گیا۔
تفصیلات کےمطابق پاک فوج کے شعبہ تعلقات عامہ آئی ایس پی آر کےمطابق انٹیلی جنس ایجنسیوں نےپنجاب ہاؤسنگ سوسائٹی لاہور میں کارروائی کرکے دہشت گردی کا بڑامنصوبہ ناکام بنادیا۔
آئی ایس پی آر کےمطابق آپریشن کےدوران ایک دہشت گرد ماراگیااور خاتون کو گرفتارکرلیاگیا۔آپریشن میں سیکورٹی فورسز کے2افسروں سمیت 4جوان بھی زخمی ہوئے۔
پاک فوج کےشعبہ تعلقات عامہ کاکہناہےکہ انٹیلی جنس اداروں کی کارروائی کےدوران خودکش جیکٹس بھی برآمد کرلی گئیں۔
دوسری جانب پولیس کا کہناہےکہ دہشت گردوں نے لاہور میں مکان کرائےپرلےرکھا تھا۔
خیال رہےکہ گزشتہ دنوں خاتون سمیت2دہشت گردوں کےلاہورمیں داخل ہونےکاتھریٹ لیٹرجاری ہواتھا۔
ڈی جی خان: رینجرز اورحساس اداروں کی بڑی کارروائی, 10 دہشت گرد ہلاک، 3 جوان شہید
یاد رہےکہ گزشتہ روز جنوبی پنجاب میں بڑے پیمانے پر دہشت گردی کا منصوبہ ناکام بناتے ہوئے آپریشن ردالفساد میں بڑی کارروائی کےدوران دس دہشت گردوں کو ہلاک کردیاتھا جبکہ تین جوان شہید ہوئےتھے۔
آئی ایس پی آر کے مطابق آپریشن ردالفساد میں رینجرز اور حساس اداروں نے ڈی جی خان میں چوٹی زیریں کے قریب شدت پسندوں اور سہولت کاروں کے خلاف بڑی کارروائی کی تھی،جس کے نتیجے میں دس مطلوب دہشت گردوں کو ٹھکانے لگا دیا تھا۔
لاہور: گلشن اقبال پارک میں خود کش دھماکہ، 71 افراد جاں بحق
واضح رہےکہ گزشتہ سال ایسٹرپرگلشن اقبال پارک دھماکے میں71 افرادجاں بحق ہوئےتھے۔
