آئی فون کے شوقین افراد کے لئے بڑی خبر

کیلیفورنیا: آئی فون کے شوقین افراد کے لئے بڑی خبر، آئی فون کے نئے ماڈل خریدنے کے انتظار میں بیٹھے صارفین کا انتظار جلد ختم ہونے والا ہے۔

امریکا کی معروف ٹیکنالوجی کمپنی ایپل کی جانب سے اپنے نئے فیلگ شپ فون آئی فون 14 کو رواں سال 13 ستمبر کو لانچ کیا جائے گا۔ یہ انکشاف ایپل کے معاملات پر نظر رکھنے والی ویب سائٹ آئی ڈراپ نے کیا ہے۔ رپورٹ کے مطابق کمپنی کی جانب سے نئے آئی فون  میں چند تبدیلیاں کی گئی ہیں، جن میں “پنچ ہول ڈسپلے” قابل ذکر ہے، تاہم موبائل فون کا ڈیزائن آئی فون 13 کی طرح ہی ہوگا۔

یہ بھی پڑھیں: آئی فون کے نئے ماڈلز میں اہم تبدیلی کا اعلان

ذرائع کے مطابق ایپل ممکنہ طور پر چار نئے آئی فونز لانچ کرے گا، ان آئی فونز میں آئی فون 14، آئی فون 14 میکس، آئی فون 14 پرو اور آئی فون 14 پرو میکس شامل ہیں۔

Comments