The news is by your side.

Advertisement

رقابتیں ختم، عراقی فوج کے سربراہ دو روزہ دورے پر سعودی عرب پہنچ گئے

ریاض : عراقی فوج کے سربراہ جنرل عثمان الغانمی 2 روزہ دورے پر سعودی عرب پہنچ گئے یہ کسی بھی عراقی عسکری قیادت کا بیس سال بعد پہلا دورہ ہے.

تفصیلات کے مطابق خلیجی ممالک کے درمیان نئے سفارتی دور کا آغاز ہو رہا ہے اور خلیجی ممالک کے درمیان خلیج آہستہ آہستہ ختم ہو رہی ہے، جہاں قطر کے خلاف سخت فیصلے کیے گئے ہیں وہیں پرانے حریف اب حلیف بنتے جا رہے ہیں جس کی تازہ مثال عراقی فوج کے سربراہ کا دورہ سعودی عرب ہے.

عرب میڈیا کے مطابق عراق فوج کے سربراہ جنرل عثمان کی سربراہی میں ایک وفد 2 روزہ دورے پر سعودی عرب پہنچ چکا ہے جہاں وفد نے سعودی فوجی سربراہ جنرل عبدالرحمان البُنیان سے ملاقات کی اور باہنی دلچسپی کے امور پر تبادلہ خیال کیا.

عرب میڈیا کے مطابق دوران ملاقات دونوں ملکوں میں سرحدی گذرگاہیں کھولنے پر بھی بات چیت ہوئی جب کہ باہمی تعلقات کے فروغ اور دہشت گردی کے خلاف جنگ میں تعاون کو مزید بڑھانے پر بھی غور کیا گیا.

دونوں رہنماؤں کے درمیان قطر سے سفارتی تعلقات مجنمد کرنے کے بعد خطے میں پیدا ہونے والی صورت حال کا بھی تفصیلی جائزہ لیا گیا اور مربوط روابط کو موثر اور بامقصد بنانے کے مواقع بھی زیر بحث آئے.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں