بھارتی خوبرو اداکارہ کیارا ایڈوانی ’ڈان تھری‘ میں ہیروئن کے کردار میں نظر آسکتی ہیں، اداکارہ کی جانب سے ہدایت کار فرحان اختر کے ایکسل آفس کا دورہ کرنے کے بعد یہ افواہیں زور پکڑ گئی ہیں۔
شائقین کی قیاس آرائی جاری تھی کہ شاہ رخ خان کے ہٹنے کے بعد فلم میں مرکزی خاتون کا کردار کون سے اداکارہ نبھائے گی، اسی دران کیارا ایڈوانی کوفلم ایکسل آفس کے باہر دیکھا گیا ہے جس سے یہ بات زور پکڑ گئی ہے کہ وہ ’ڈان تھری‘ میں مرکزی کردار نبھانے جارہی ہیں۔
فلم میں مرکزی کردار ادا کرنے کے حوالے سے کافی عرصے سے چہ مگوئیاں جاری تھیں، تاہم 8 اگست کو فرحان اختر کی جانب سے ’ڈان تھری‘ بنانے کا اعلان کرتے ہوئے بتایا گیا تھا کہ ڈان کا کردار اب نیا اداکار نبھائے گا۔
ہدایت کاری نے فلم میں ڈان کا کردار ادا کرنے کے لیے نوجوان اداکار رنویر سنگھ کو کو کاسٹ کیا ہے، جس سے شاہ رخ خان کے فین ان سے ناراض ہیں، اور بہت سارے سوشل میڈیا صارفین نے ڈان تھری کے بائیکاٹ کا بھی اعلان کیا ہے۔
کیارا ایڈوانی کی جانب سے 8 اگست کو فرحان اختر اور رتیش سدھوانی کے ایکسل انٹرٹینمنٹ آفس کا دورہ کرنے کے باعث یہ افواہیں گرم ہیں کہ وہ ڈان تھری کا حصہ ہونگی، اداکارہ نے آفس کے باہر گرمجوشی سے فوٹو گرافرز کو دیکھ کر ہاتھ بھی ہلایا تھا۔
