مبمئی: بالی ووڈ اداکار رنویر سنگھ نے شادی کے بعد اپنا نام تبدیل کرلیا جو پہلی بار دپیکا مداحوں کے سامنے لے کر آئیں۔
تفصیلات کے مطابق رنویر سنگھ اور دپیکا پڈوکون نے گزشتہ برس نومبر میں اٹلی کے مقام لیک کومو میں شادی کی، اب دونوں اداکار اپنی اپنی زندگیوں میں مصروف ہوگئے۔
رنویر سنگھ اپنی نئی آنے والی فلم ’سمبا‘ کی تشہیر میں مصروف ہیں جس میں اُن کے ساتھ سیف علی خان کی صاحبزادی سارہ علی خان مرکزی کردار ادا کررہی ہیں جبکہ دپیکا نے بھی اپنی شوبز مصروفیات کا آغاز کردیا۔
حال ہی میں بھارتی انٹرٹینمنٹ ویب سائٹ نے دپیکا کا انٹرویو لیا جس میں انہوں نے مداحوں کے مختلف سوالات کے جواب دیے۔
مزید پڑھیں: دپیکا پر قسمت مہربان، شادی کے بعد سب سے زیادہ کمانے کا اعزاز
انٹرویو کے آغاز پر اداکارہ نے اپنا تعارف کچھ اس طرح کروایا کہ ’میں دپیکا پڈوکون جو اب رنویر سنگھ پڈوکون کی اہلیہ ہے‘۔
دپیکا کے منہ سے نام سُن کر رنویر کے مداح حیران رہ گئے کیونکہ عام طور پر شادی کے بعد لڑکیاں اپنے نام کے آگے شوہر کا نام لکھتی ہیں جبکہ رنویر نے اپنے نام کے آگے ’پڈوکون‘ لگا لیا۔
ایک مداح نے پوچھا کہ کیا رنویر اپنا نام تبدیل کرنے جارہے ہیں تو دپیکا نے قہقہ لگایا اور بتایا ابھی ایسا فیصلہ نہیں ہوا مگر ایسا ممکن ہوسکتا ہے، جو بھی ہوگا اُس کا ہم اعلان کردیں گے۔
یہ بھی پڑھیں: دپیکا اپنی مہندی پر پاکستانی کلام سُن کر جھوم اٹھیں
پرتعیش شادی اور اخراجات کے حوالے سے پوچھے جانے والے سوال پر دپیکا نے جواب دیا کہ ’میرے پاس بہت پیسے ہیں، ایسا نہیں کہ سب شادی کی تقریبات پر ہی ختم ہوگئے، آپ فکر نہ کریں‘۔
