ہالی ووڈ فلم سیریز اسٹار وارز کے کردار مینڈا لورین کے بہروپ میں ایک شخص کی فضا میں بائیک اڑانے کی ویڈیو نے سب کو حیران کر دیا ہے۔
یہ سوشل میڈیا کا دور ہے جہاں آئے دن کچھ ایسا اچھوتا اور نیا ہوتا ہے کہ عقل دنگ رہ جاتی ہے جیسا کہ ایک شخص کی زمین سے بلند فضا میں بائیک چلانے کی ویڈیو دیکھ کر صارفین حیران اور پریشان ہیں اور سوچنے پر مجبور ہیں کہ یہ حقیقت ہے یا نظروں کا دھوکا۔
سماجی رابطوں کی ویب سائٹ ایکس پر ایک ویڈیو وائرل ہو رہی ہے جس میں ہالووین کے روایتی تہوار کے موقع پر ایک شخص کو ہالی ووڈ فلم سیریز ’اسٹار وارز‘ کے کردار مینڈا لورین کے بہروپ بھرے ایک شخص کو فضا میں معلق عجیب وغریب بائیک اڑاتے دیکھا جا سکتا ہے۔
21 ویں صدی کا الہٰ دین اور اس کا اُڑتا ہوا جادوئی قالین، ویڈیو
اس ویڈیو کی حقیقت یہ ہے کہ مذکورہ شخص نے اپنی موٹر سائیکل کی شکل کو کچھ اس ڈیزائن میں تبدیل کیا ہے کہ اس کے پہیے چھپ گئے ہیں اور اسے سڑک پر چلتے ہوئے دیکھ کر بالکل ایسا محسوس ہو رہا کہ جیسے وہ سڑک پر دوڑ نہیں رہی بلکہ ہوا میں اُڑ رہی ہے۔
This Halloween costume goes hard pic.twitter.com/0vXMhskJhu
— Latest in space (@latestinspace) October 31, 2023
اس ویڈیو سوشل میڈیا پر تہلکہ مچا چکی ہے اور ایک کروڑ سے زائد لوگ اسے دیکھ اور لاکھوں پسندیدگی کا اظہار کر چکے ہیں جب کہ اس حیرت انگیز ویڈیو پر صارفین کی جانب سے دلچسپ تبصرے بھی کیے جا رہے ہیں۔
