اسلام آباد: آئی ایم ایف سے مذاکرات کے سوال پر وزیر خزانہ اسحاق ڈار پھر غصے میں آگئے۔
اے آر وائی نیوز کے مطابق وزیر خزانہ اسحاق ڈار آئی ایم ایف سے مذاکرات کے سوال پر سیخ پا ہوگئے، صحافی نے سوال کیا کہ آئی ایم ایف سے مذاکرات کب کامیاب ہوں گے؟
صحافی نے پوچھا کہ آئی ایم ایف سے مذاکرات کیوں کامیاب نہیں ہورہے، وزیر خزانہ نے جواب نہ دیا پھر دوبارہ پوچھے جانے پر غصے میں آگئے۔
- Advertisement -
اسحاق ڈار نے سیکیورٹی عملے کو کہا کہ صحافی کا موبائل لے کر پھینک دو، سیکیورٹی عملے نے ان کی ہدایت کے بعد صحافی سے موبائل فون چھیننے کی کوشش کی۔
دوسری جانب صحافی شاہد قریشی کا ویڈیو بیان میں کہنا ہے کہ آئی ایم ایف سے متعلق سوال پوچھنے پر اسحاق ڈار نے تھپڑ مارا، انہوں نے سیکیورٹی عملے سے کہا کہ اس کو سبق سکھاؤ۔