The news is by your side.

اسحاق ڈار نے وزیر خزانہ کا حلف اٹھا لیا

ساڑھے 4 سال بعد وطن واپس آنے والے سینیٹر اسحاق ڈار نے وفاقی وزیر خزانہ کا حلف اٹھا لیا، صدر مملکت ڈاکٹر عارف علوی نے ان سے حلف لیا۔

اے آر وائی نیوز کے مطابق اسحاق ڈار کی تقریب حلف برداری ایوان صدر میں ہوئی، تقریب میں وزیراعظم شہباز شریف، وفاقی وزرا سمیت دیگر نے شرکت کی۔

واضح رہے کہ اسحاق ڈار نے گزشتہ روز سینیٹر منتخب ہونے کے تقریباً ساڑھے چار سال بعد حلف اٹھایا تھا۔

اسحاق ڈار جب گزشتہ روز حلف اٹھانے سینیٹ اجلاس میں پہنچے تھے تو اپوزیشن نے چیئرمین ڈائس کا گھیراؤ کرلیا تھا اور شدید نعرے بازی کی تھی۔

یہ بھی پڑھیں: اپوزیشن کا احتجاج بے سود، اسحاق ڈار سینیٹر بن گئے

اس ہنگامہ آرائی کے دوران پلے کارڈز اٹھائے اپوزیشن سینیٹرز نے ایجنڈے کی کاپیاں پھاڑ کر اسحاق ڈار پراچھال دی تھیں۔ حلف کے بعد اپوزیشن ارکان اسحاق ڈار کی جانب بڑھے تو سارجنٹ ایٹ آرمز نے ڈار کو حصار میں لے لیا تھا۔

Comments

یہ بھی پڑھیں