اسلام آباد : وفاقی دالحکومت اسلام آباد میں مارگلہ ہلز ٹریل 3 پر خاتون کے ساتھ ہونے والی مبینہ ذیادتی کا واقعہ ڈرامہ نکلا، متاثرہ لڑکی سمیت پورا گروہ منصوبہ میں شامل تھا۔
اس حوالے سے پولیس کا کہنا ہے کہ اسلام آباد ٹریل تھری پر زیادتی کے واقعے کا ڈراپ سین ہوگیا ہے، معاملہ ذیادتی کا نہیں بلکہ ذاتی جھگڑے کا ہے۔
پولیس کے مطابق ملزم نعمان کا اپنے ساتھی انور سے جھگڑا ہوا تھا، جس نے بدلہ لینے کیلئے ایک گروہ کو اجرت پر لیا، انور نے منصوبہ بندی کے تحت نعمان پر زیادتی کا الزام لگانے کیلئے صائمہ نامی لڑکی سے رابطہ کیا۔
مذکورہ گروہ میں صائمہ، ڈاکٹر سدرہ اسماعیل، ایک جعلی صحافی شکیل اور منظور نامی جعلی پولیس افسر شامل تھے۔
صائمہ نے شیخوپورہ کی لڑکی سدرا سے رابطہ کرکے ریپ کا ڈرامہ رچایا، نعمان کو لڑکی سے ملنے کیلئے مری بلایا گیا لیکن ٹریل تھری پر ملاقات کا فیصلہ ہوا۔
منصوبے کے مطابق لڑکی نے ریپ کا ڈرامہ اور اس کے ساتھیوں نے اس کی ویڈیوز بنانی تھیں،ملاقات کے بعد ساتھیوں کے نہ پہنچے لڑکی نے انتظار کے بعد تھانہ کوہسارمیں مقدمہ درج کرادیا۔
پولیس نے لڑکی کو تھانے طلب کیا تو اس نے مجسٹریٹ کے سامنے تمام حقائق بیان کردیے، یہ گروہ لوگوں کو ورغلا کر انہیں بلیک میل کرکے بھتے کی بھاری رقم وصول کرتا ہے۔
ملزمہ سدرہ کے خلاف شیخوپورہ اور مرید کے میں پہلے بھی دو مقدمات درج ہیں، گروہ کا ایک کارندہ انوارالحق سابقہ ریکارڈ یافتہ ملزم ہے۔
