The news is by your side.

Advertisement

سندھ حکومت نے صوبے میں قائم آئسولیشن وارڈز کی فہرست جاری کردی

کراچی: سندھ حکومت نے صوبے میں قائم آئسولیشن وارڈز کی فہرست جاری کردی جس کے مطابق سندھ میں 9 آئسولیشن وارڈز قائم کیے گئے ہیں۔

تفصیلات کے مطابق ترجمان سندھ حکومت مرتضیٰ وہاب نے سماجی رابطے کی ویب سائٹ ٹویٹر پر اپنے پیغام میں کہا ہے کہ کرونا وائرس کے پیش نظر سندھ میں 9 آئسولیشن وارڈ قائم کیے گئے ہیں، سول اسپتال، لیاری جنرل اسپتال میں آئسولیشن وارڈز قائم ہیں۔

مرتضیٰ وہاب کا کہنا ہے کہ ڈاؤ اوجھا کیمپس کراچی میں بھی آئسولیشن وارڈ قائم ہے، لیاقت میڈیکل اسپتال حیدرآباد، جامشورو میں آئسولیشن وارڈز قائم ہیں۔

ترجمان سندھ حکومت کے مطابق پیپلز اسپتال بینظیر آباد، غلام محمد میڈیکل اسپتال خیرپور میں وارڈز قائم ہے، گمز خیرپور میں بھی آئسولیشن وارڈ قائم کیے گئے ہیں۔

مزید پڑھیں: کراچی میں کرونا وائرس کا ایک اور مریض سامنے آگیا

مرتضیٰ وہاب کا کہنا ہے کہ 120 بستروں پر مشتمل اسپتال کو مکمل طور پر آئسولیشن وارڈ میں تبدیل کیا گیا ہے، 100 بستروں پر مشتمل ایک اور اسپتال کو قرنطینہ میں تبدیل کیا گیا ہے۔

واضح رہے کہ پاکستان میں کرونا وائرس کا ایک اور کیس سامنے آیا ہے، جس کا تعلق کراچی سے ہے، ملک بھر میں متاثرہ مریضوں کی تعداد 22 اور سندھ میں 15 ہوگئی ہے۔

یاد رہے کہ وزیراعظم عمران خان کا کہنا تھا کہ کرونا وائرس کے پاکستان میں بھی کچھ کیسز سامنے آئے ہیں، امید ہے کرونا وائرس پر جلد قابو پالیں گے۔

fb-share-icon0
Tweet 20

Comments

comments

یہ بھی پڑھیں