پنجگور: صوبہ بلوچستان کے ضلع پنجگور میں سیکیورٹی فورسز کے انٹیلی جنس بیسڈ آپریشن میں مطلوب دہشت گرد اسد عرف حسرت سمیت 2 ہلاک ہو گئے۔
آئی ایس پی آر کے مطابق سیکیورٹی فورسز نے آج پنجگور میں دہشت گردوں کے خلاف انٹیلیجنس کی بنیاد پر آپریشن کیا، جس میں فائرنگ کے تبادلے میں مطلوب دہشت گرد اسد عرف حسرت سمیت 2 دہشت گرد ہلاک ہو گئے ہیں۔
مارے جانے والے دہشت گردوں سے اسلحہ اور گولیاں برآمد ہوئیں۔ اس سے قبل آج ڈیرہ اسماعیل خان میں بھی سیکیورٹی فورسز نے انٹیلیجنس بیسڈ آپریشن کیا، جس میں 8 دہشت گردوں کو ہلاک کیا گیا، جو سیکیورٹی فورسز پر حملوں اور شہریوں کے قتل میں ملوث تھے۔
یاد رہے گزشتہ ماہ کے آخر میں ڈی آئی خان میں ہی سیکیورٹی فورسز کے انٹیلیجنس بیسڈ آپریشن میں 4 دہشت گرد مارے گئے تھے۔
Comments
- Advertisement -
