راولپنڈی: پاک فوج کے شعبۂ تعلقات عامہ (آئی ایس پی آر) کی جانب سے یومِ دفاع و شہدا پر خصوصی نغمہ جاری کر دیا گیا۔
خصوصی نغمے میں پاک فوج کے شہدا اور غازیوں کو خراجِ عقیدت پیش کیا گیا ہے، یہ نغمہ پاکستان کے معروف گلوکار عاطف اسلم کی آواز میں ریکارڈ کیا گیا۔
آئی ایس پی آر کی طرف سے جاری کردہ نغمہ عمران رضا نے لکھا ہے جب کہ ساحر علی بگا نے اسے کمپوزکیا ہے۔
یاد رہے کہ اس سے قبل بھی آئی ایس پی آر کی جانب سے اس نغمے کے کئی پرومو جاری کیے گئے تھے، ایک پرومو میں پاکستانی شہید سیاست دانوں اور دیگر شخصیات کی تصاویر بھی شامل کی گئیں۔
Defence and Martyrs Day 2018
Theme song https://t.co/lmSJ449yxj#ہمیں_پیار_ہے_پاکستان_سے pic.twitter.com/gjcq52kGVk— Maj Gen Asif Ghafoor (@OfficialDGISPR) September 5, 2018
کشمیر میں جدوجہدِ آزادی میں مصروف مجاہدین کو بھی ایک پرومو میں خراجِ تحسین پیش کیا گیا، جس میں دکھایا گیا کہ بھارتی فوج کے ہاتھوں کس طرح کشمیری لہو لہو ہیں۔
یوم دفاع وشہدا آج ملی جوش و جذبے سے منایا جائے گا، یادگاروں پر پھول رکھے جائینگے
واضح رہے کہ آج (چھ ستمبر) یومِ دفاع و شہدا ملک بھر میں منایا جا رہا ہے، یومِ دفاع کی مرکزی تقریب جنرل ہیڈ کوارٹرز (جی ایچ کیو) راولپنڈی میں ہوگی، مرکزی تقریب میں وزیرِ اعظم عمران خان بہ طور مہمان خصوصی شریک ہوں گے۔
وزیرِ اعظم عمران خان نے یومِ دفاع کے موقع پر اپنے پیغام میں کہا کہ افواجِ پاکستان نے دہشت گردی کے خلاف جنگ میں نمایاں کام یابیاں حاصل کی ہیں۔
