یروشلیم: اسرائیلی فوج کی جانب سے رمضان کے آخری عشرے میں شروع کی جانے والی بربریت کا سلسلہ عید کے پہلے روز بھی جاری رہا۔
عرب میڈیا رپورٹ کے مطابق عید کی چاند رات اور صبح عزہ کی رہائشی پٹی پر واقع علاقوں پر اسرائیلی طیاروں نے وحشیانہ بمباری کی، جس کے نتیجے میں جانی و مالی نقصان ہوا جبکہ عمارتوں کو شدید نقصان پہنچا۔
عید کی صبح اسرائیلی فورسز نے غزہ کی پٹی پر فضائی حملے کیے، گزشتہ چار روز میں اسرائیلی حملوں میں شہدا کی تعداد 84 ہوگئی، جن میں 17 بچے اور 8 خواتین بھی شامل ہیں۔ علاوہ ازیں سیکڑوں شہری زخمی بھی ہوئے ہیں۔
Jerusalem today #EidMubarak pic.twitter.com/uRgGvn16Rm
— TIMES OF GAZA (@Timesofgaza) May 13, 2021
اسرائیلی فورسز کی جانب سے ہونے والے طاقت کے استعمال کے باوجود فلسطینیوں کے حوصلے بلند رہے اور انہوں نے بڑی تعداد میں جمع ہوکر مسجدِ اقصیٰ میں نمازِ عید باجماعت ادا کی۔ عید کی نماز کے بعد مسجد القصیٰ اور القدس کی فضاؤں میں فلسطینی اللہ اکبر کی صدائیں بلند کرتے رہے۔
مزید پڑھیں: اسرائیلی جاحیت: وزیراعظم عمران خان کی فلسطینی عوام کو بڑی یقین دہانی
دنیا بھر میں مقیم مسلمان ممالک نے اسرائیل کی جانب سے فلسطینی عوام پر کیے جانے والے طاقت کے استعمال کی شدید الفاظ میں مذمت کی۔ وزیراعظم عمران خان اور صدرِ مملکت ڈاکٹر عارف علوی نے فلسطینی صدر محمود عباس سے علیحدہ علیحدہ ٹیلی فونک رابطہ کیا اور پاکستان کی مکمل حمایت کا یقین دلایا۔
