site
stats
عالمی خبریں

مقبوضہ فلسطین میں تیارمصنوعات پرمخصوص لیبل لازمی قرار

لندن : یورپی یونین نے مقبوضہ فلسطینی بستیوں میں تیارکردہ اسرائیلی برآمدی مصنوعات پر مخصوص لیبل لگانے کو لازمی قرار دے دیا، اسرائیلی صدر تلملا اٹھے، انکا کہنا ہے کہ فیصلہ متعصبانہ اور نازی دور جیسا ہے۔

یورپین کمیشن نے تمام ممبر ممالک سے کہا ہے کہ یہودی غیرقانونی بستیوں گولان کی پہاڑیاں، مغربی کنارے اورمشرقی مقبوضہ بیت المقدس میں بنائی جانے والی مصنوعات پر واضح طور پر ان جگہوں کا لیبل لگایا جائے کیوں کہ ان بستیوں کو عالمی سطح پر تسلیم نہیں کیا گیا ہے تاہم فیصلے کی پیچھے کوئی سیاسی وجہ نہیں ہے۔

یہ خصوصی شناختی لیبلنگ پھلوں، سبزیوں اور کاسمیٹکس مصنوعات کے لیے لازمی ہوگی۔

دوسری جانب اسرائیل نے سخت ردعمل ظاہر کرتے ہوئے یورپی یونین کے فیصلے کو امتیازی اورغیرمعمولی فیصلہ قراردیا ہے اور کہا ہے کہ فیصلہ سیاسی بنیادوں پر کیا گیا ہے اور یہ قدم اسرائیلی مصنوعات کے بائیکاٹ کے لیے چلائی جانے والی مہم سے متاثر ہوکر اٹھایا گیا ہے۔

اسرائیلی وزیر اعظم کا کہنا ہے کہ اس فیصلے سے اسرائیل اور فلسطین امن مزاکرات بھی متاثر ہونگے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top