اسلام آباد : نگراں وزیر آئی ٹی ڈاکٹر عمرسیف نے روز دیا کہ سیلولر آپریٹرز، سرمایہ کارکمپنیاں اور بینکس قسطوں پر اسمارٹ فونز کے پیکیجز کا اعلان کریں۔
تفصیلات کے مطابق نگراں وزیر آئی ٹی ڈاکٹر عمرسیف نے عام لوگوں تک اسمارٹ فونز پہنچانے کیلئے اہم اقدام اٹھاتے ہوئے کہا کہ جلد ہی آسان اقساط پر اسمارٹ فونز صارفین کو فراہم کرنے کا سلسلہ شروع کردیا جائے گا، سیلولر آپریٹرز، سرمایہ کارکمپنیاں اور بینکس قسطوں پر اسمارٹ فونز کے پیکیجز کا اعلان کریں۔
ڈاکٹر عمرسیف کا کہنا تھا کہ عوام کو سہولیات کی فراہمی اولین ترجیح ہے ، ای کامرس کے فروغ کیلئے اسمارٹ فونز فار آل پالیسی ضروری ہے۔
ڈیفالٹرز کے فون بلاک کئے جائیں گے، نادہندگان کیلئے اس سے اگلا قدم سم اور قومی شناختی کارڈ بلاکنگ ہوسکتا ہے، اس اقدام سے نادہنگان کی حوصلہ شکنی اوراسمارٹ فونز کے استعمال کا تناسب بڑھے گا۔
نگراں وزیر آئی ٹی نے کہا کہ طلب میں اضافے سے موبائل فونز مینوفیکچررز انڈسٹری اور ملکی معیشت کو فائدہ پہنچے گا، دیہی علاقوں میں فون، سیلولر آپریٹرز کیلئے بزنس کیسز بھی بنیں گے۔
انھوں نے بتایا کہ روانڈا کو اسمارٹ فونز ایکسپورٹ کرنے سے متعلق اہم پیشرفت ہوئی ہے، پاکستانی اسمارٹ فونز میں روانڈا حکومت نے خصوصی دلچسپی ظاہر کی ہے۔
