The news is by your side.

Advertisement

اٹلی میں اسکول بس کو حادثہ‘16افراد ہلاک

روم : اٹلی میں اسکول کے بچوں کو لے جانے والے بس کے حادثے میں کم ازکم 16افراد ہلاک اور درجنوں افراد زخمی ہوگئے۔

تفصیلات کےمطابق گزشتہ رات اٹلی میں اسکول کے بچوں کو لے جانے والی بس کو حادثہ پیش آیا جس کے بعد بس میں آگ لگ گئی، جس کے نتیجے میں 16افراد جان کی بازی ہارگئے۔

فائر بریگیڈ حکام کےمطابق رات گئے بس موٹرے پر بچوں کو ہنگری سے ویرونا لے جارہی تھی،یہ بس فرانس کے بدھا پیسٹ سے واپس آ رہی تھی جہاں ان طلبا نے پہاڑ پر ایک تفریحی دن گزارا۔

اٹلی کے خبر رساں ادارے آنسا کے مطابق بس میں سوار طلبا جن میں اکثریت 14 سے 18 برس کے لڑکوں کی ہے بجلی کے کھمبے سے ٹکرانے کے بعد بس کی کھڑکیوں سے ہوتے ہوئے دور جا گرے۔

آنسا کے مطابق بس میں آگ لگنے کی وجہ سے متعدد لوگ اس میں پھنس گئے تھے اوراسپتال لائے جانے والے افراد میں سے بعض شدید زخمی ہیں۔

مزید پڑھیں :اٹلی کے وسطی علاقے میں ہوٹل پر برفانی تودہ گرگیا،30 افراد ہلاک

یاد رہے کہ دو روز قبل اٹلی کے وسطی علاقے ابررتزو میں ایک ہوٹل پر برفانی تودہ گرنے سے 30 افراد ہلاک ہوگئے تھے۔

مزید پڑھیں: اٹلی میں برفانی تودے سے8افرادکو زندہ نکال لیا گیا

واضح رہےکہ گزشتہ روز اٹلی میں امدادی ٹیموں نےوسطی علاقے ابررتزو میں ایک ہوٹل پر برفانی تودہ گرنے کے باعث برف کے نیچےدب جانے والے 8افراد کودو روز بعد زندہ نکال لیا تھا۔

Print Friendly, PDF & Email

Comments

comments

یہ بھی پڑھیں