اتوار, جولائی 6, 2025
اشتہار

جونی ڈیپ ’پائریٹس آف دی کیریبیئن‘ فلم سیریز سے باہر

اشتہار

حیرت انگیز

معروف ہالی ووڈ فلم سیریز پائریٹس آف دی کیریبیئن میں کیپٹن جیک اسپیرو کا مرکزی کردار ادا کرنے والے جونی ڈیپ اب مزید اس کردار میں نظر نہیں آئیں گے۔

سب کی پسندیدہ ہالی ووڈ فلم پائریٹس آف دی کیریبیئن میں مرکزی کردار ادا کرنے والے جونی ڈیپ کو فرنچائز سے علیحدہ کرنے کا فیصلہ کرلیا گیا ہے۔

جونی ڈیپ نے کیپٹن جیک اسپیرو کے کردار میں بے پناہ مقبولیت حاصل کی اور انہوں نے سیریز کی 5 فلموں میں کام کیا۔

تاہم حال ہی میں فلم کے مصنف اسٹیورٹ بیٹی نے اس بات کی تصدیق کرتے ہوئے کہا کہ جونی ڈیپ اب اس فلم کا حصہ نہیں ہوں گے۔

خیال رہے کہ یہ اعلان اس وقت سامنے آیا ہے جب کچھ عرصہ قبل ہی ڈزنی اسٹوڈیوز نے اس سیریز کو نئے سرے سے پیش کرنے کا ارادہ ظاہر کیا ہے۔

اسٹیورٹ بیٹی کا کہنا تھا کہ بے شک جونی ڈیپ اب اس فلم کا حصہ نہیں ہوں گے تاہم انہیں اس کردار میں ہمیشہ یاد رکھا جائے گا۔

بیٹی کا کہنا تھا کہ جونی ڈیپ نے اس کردار میں بے حد مقبولیت حاصل کی، وہ بچوں اور بڑوں سب میں مقبول ہوئے اور انہوں نے اس روپ میں اسکولوں اور اسپتالوں کا دورہ بھی کیا، لہٰذا وہ ہمیشہ اس کردار سے یاد رکھے جائیں گے۔

خیال رہے کہ پائریٹس آف دی کیریبیئن سیریز کی پہلی فلم سنہ 2003 میں ریلیز کی گئی تھی۔ گزشتہ برس اس کا پانچواں حصہ ریلیز کیا گیا تھا جس نے سیریز کی بقیہ تمام فلموں کے مقابلے میں نہایت کم آمدنی حاصل کی۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں