اسلام آباد : انسداد دہشت گردی کی عدالت نے جوڈیشل کمپلیکس توڑپھوڑ کیس میں عمران خان سمیت تمام نامزد رہنماؤں کی عبوری ضمانت میں17 مئی تک توسیع کردی۔
تفصیلات کے مطابق اسلام آباد کی انسداد دہشت گردی کی عدالت میں پی ٹی آئی چیئرمین عمران خان و دیگرپی ٹی آئی رہنماؤں کیخلاف جوڈیشل کمپلیکس توڑپھوڑ کیس کی سماعت ہوئی۔
اےٹی سی جج راجہ جوادعباس نے کیس کی سماعت کی ، آباد:اسدعمر، عمرایوب، علی نواز، حماداظہر ، حسان نیازی، اعظم سواتی ، راجہ خرم نواز اور فرخ حبیب اے ٹی سی عدالت میں پیش ہوئے۔
وکیل نے کہا کہ عمران خان کی اسلام آباد ہائیکورٹ میں 3مئی کو درخواست سماعت کیلئے مقرر ہے، درخواست ضمانت پر سماعت تک عبوری ضمانت میں توسیع کی جائے۔
عدالت نے عمران خان سمیت تمام نامزدرہنماؤں کی عبوری ضمانت میں17مئی تک توسیع کردی جبکہ شبلی فراز ، اسدقیصر اور زلفی بخاری کی جانب سے حاضری سے استثنیٰ کی درخواست منظور کرلی۔
خیال رہے پی ٹی آئی رہنماؤں کے خلاف تھانہ گولڑہ اور سی ٹی ڈی میں مقدمات درج ہیں۔
