شوبز انڈسٹری کے ابھرتے ہوئے اداکار جنید جمشید نیازی نے ساتھی اداکارہ فائزہ خان کے ساتھ تصاویر وائرل ہوگئیں۔
فوٹو اور ویڈیو شیئرنگ ایپ انسٹاگرام پر اداکار جنید جشمید نیازی نے فائزہ خان کے ساتھ تصاویر شیئر کیں جس میں دونوں اداکاروں کو خوشگوار موڈ میں دیکھا جاسکتا ہے۔
ایک تصویر میں جنید ڈرنے کا تاثر دے رہے ہیں اور فائزہ انہیں غصے سے دیکھ رہی ہیں۔
جنید جمشید نیازی نے تصاویر شیئر کرتے ہوئے کپشن میں لکھا کہ ’یہ لڑکی ہائے اللہ۔‘ ساتھ ہی انہوں نے یہ بھی کہا کہ ’واصف بمقابلہ رامین۔‘
اداکار سوشل میڈیا پر کافی متحرک رہتے ہیں اور اکثر فیملی کی تصاویر شیئر کرتے رہتے ہیں جسے ان کے مداح بھی پسند کرتے ہیں۔
گزشتہ دنوں جنید جمشید نیازی نے اہلیہ کی سالگرہ پر تصاویر شیئر کی تھیں جسے مداحوں کی جانب سے خوب سراہا گیا تھا۔
واضح رہے کہ اداکار اے آر وائی ڈیجیٹل کے ڈرامہ سیریل ’بے بی باجی‘ میں ’واصف‘ کا کردار ادا کررہے ہیں جبکہ فائزہ خان ’رامین‘ کے روپ میں جلوہ گر ہیں۔
