اسلام آباد : نوے کی دہائی کے مقبول میوزیکل بینڈ جنون موسیقی کے دلدادہ لوگوں کی دلوں پر برسوں حکمرانی کی ہے تاہم کئی عرصے سے مداح اس بینڈ کو یکجا نہیں دیکھ پا رہے تھے تاہم اب دوبارہ سے اس بینڈ کے یکجا ہونے کی خبر نے شائقین کے دل موہ لیے ہیں۔
ماضی کے معروف میوزیکل بینڈ جنون کسے یاد نہیں ہو گا اس بینڈ نے نوے کے اوائل میں کامیابی کے جھنڈے گاڑے اور شائقین موسیقی کے درمیان مدھر موسیقی اور خوبصورت آوازوں سے مزین گانوں سے اپنی اجارہ داری قائم رکھی۔
نوے کی دہائی کے آغاز میں لاہور میں جنم لینے والے اس بینڈ میں سلمان احمد۔ نصرت حسین، غیرملکی گٹارسٹ برین اور علی عظمت بہ طور گلوکار شامل تھے جنہوں نے جدید میوزیکل آلات کے ساتھ موسیقی کی دنیا کے تما م ہی شعبہ جات پر طبع آزمائی کی تاہم صوفیانہ کلام پیش کرنے میں یہ بینڈ اپنا ثانی نہیں رکھتا تھا۔
اس دوران انہوں نے اپنا پہلا البم ’’جنون‘‘ کے نام دے ریلیز کیا جو اس بینڈ کا برانڈ بن گئی اس کے بعد 1993 میں تلاش جاری کر کے پاکستان میں ابھرتی ہوئی پاپ موسیقی میں اپنی نئی راہ متعین کرنے میں کامیاب ہوگئے جس کے بعد تیسری البم انقلاب نے ان کی شہرت کو دوام بخشا اور موسیقی کی دنیا میں انقلاب برپا کردیا۔
جنون بینڈ کے 1997 میں جاری کیئے گئے البم آزادی نے پاکستان سمیت بھارت میں بھی دھوم مچا دی تھی اور یوں اس البم کے بعد جنون بینڈ کو عالمی شہرت حاصل ہوگئی اور پھر 1999 کے البم پرواز کی بلند پروازی نے حاسدوں کو دل جلادیا اور 2003 میں دیوار کے نام سے جاری ہونے والی البم گویا ممبران بینڈ کے درمیان دیوار کھڑی کر کی گئی اور 2005 میں یہ بینڈ اختلافات کی نظر ہوگیا۔
دو ہزار کی دہائی کے وسط میں جنون بینڈ ممبران کے درمیان اختلافات سامنے آنا شروع ہوگئے اور پھر شائقین موسیقی کو اس بینڈ کو یکجا ہوکر ایک ساتھ پر فارم کرتے ہوئے دیکھنے کا موقع میسر نہیں آسکا تاہم انفرادی گانے ضرور آتے رہے تاہم اب علی عظمت نے سماجی رابطے کی ویب سائٹ فیس بک اپنی ایک پوسٹ پر جنون بینڈ کو دوبارہ سے شروع کرنے کا عندیہ ہے اور اس کے لیے عوام سے رائے مانگی ہے۔
علی عظمت کی جانب سے اس پوسٹ پر سلمان احمد اور برین کو بھی ٹیگ کیا گیا ہے جس سے گیند اب سلمان احمد کے کورٹ میں ہے اور ان کی رضامندی کے بعد نوے کی دہائی کا یہ مقبول بینڈ پھر سے شائقین موسیقی کو اپنے گانوں اور دھنوں پر محو رقص ہونے پر مجبور کردے گا۔
