کراچی : سندھ کے نگراں وزیر اعلیٰ کے لیے حکومت اور اپوزیشن جماعتوں کے درمیان جاری مشاورت کے بعد جسٹس (ر) مقبول باقر کا نام فائنل ہوگیا،
تفصیلات کے مطابق جسٹس(ر) مقبول باقر سندھ کے نگراں وزیر اعلیٰ ہونگے، وزیر اعلیٰ سندھ مراد علی شاہ اور سندھ اسمبلی میں اپوزیشن لیڈر رعنا انصار نے مقبول باقر کے نام پر اتفاق کرلیا ہے۔
اس حوالے سے ذرائع کا کہنا ہے کہ نگراں وزیراعلیٰ سندھ مقبول باقر کل اپنے عہدے کا باقاعدہ حلف اٹھائیں گے
چیف سیکریٹری سندھ نگراں وزیر اعلیٰ کی تعیناتی کا نوٹیفکیشن جاری کریں گے، بعد ازاں گورنر ہاؤس سندھ میں تقریب حلف برداری منعقد ہوگی۔
واضح رہے کہ اے آر وائی نیوز نے 3 روز قبل ہی جسٹس ریٹائرڈ مقبول باقر کے نگراں وزیر اعلیٰ سندھ بننے کے حوالے سے اپنے ناظرین کو آگاہ کردیا تھا۔
مقبول باقر کا نام سندھ حکومت نے تجویز کیا تھا جس پر پی پی قیادت کو بھی کوئی اعتراض نہیں تھا۔ بعد ازاں نگراں وزیراعلیٰ سندھ جسٹس (ریٹائرڈ) مقبول باقر کا نام اپوزیشن لیڈر رعنا صدیقی کے سامنے پیش کیا گیا۔ اور آج اپوزیشن لیڈر سے مشاورت کے بعد اس حوالے سے حتمی اعلان کردیا گیا ہے۔
