نگراں وزیر اعلیٰ کے لیے حکومت اور اپوزیشن میں کل سے مشاورت شروع ہوگی تاہم جسٹس (ر) مقبول باقر کے نگراں وزیراعلیٰ بننے کا امکان ہے۔
اے آر وائی نیوز کے مطابق سندھ اسمبلی آج تحلیل کر دی جائے گی جس کے بعد نگراں وزیر اعلیٰ کے لیے حکومت اور اپوزیشن میں کل سے مشاورت شروع ہوگی تاہم جسٹس (ر) مقبول باقر کے نگراں وزیراعلیٰ بننے کا امکان ہے کیونکہ پی پی قیادت کو ان کے نام پر اعتراض نہیں ہے۔
ذرائع نے بتایا کہ جسٹس ریٹائرڈ مقبول باقر کا نام سندھ حکومت نے قیادت کو تجویز کیا ہے جس پر پی پی قیادت کو کوئی اعتراض نہیں ہے۔
نگراں وزیر اعلیٰ کے لیے کل سے باضابطہ مشاورت کا آغاز ہوگا جس میں وزیراعلیٰ سندھ جسٹس (ریٹائرڈ) مقبول باقر کا نام کل اپوزیشن لیڈر رعنا صدیقی کے سامنے پیش کریں گے۔
سندھ حکومت پر امید ہے کہ ان کی جانب سے پیش کیے گئے نام پر کسی کو اعتراض نہیں ہوگا۔ اپوزیشن لیڈر سے مشاورت کے بعد اس حوالے سے حتمی اعلان کیا جائے گا۔
