اوٹاوا: اقوام متحدہ کی جنرل اسمبلی میں غزہ میں جنگ بندی کے لیے ووٹ نہ دینے والے کینیڈین وزیر اعظم جسٹن ٹروڈو نے اب جنگ میں وقفے کی حمایت کر دی ہے۔
تفصیلات کے مطابق جسٹن ٹروڈو نے آخرکار غزہ میں جنگ میں وقفے کی حمایت کر دی، کینیڈین وزیر اعظم جسٹن ٹروڈو نے ایک ٹوئٹ میں کہا کہ ہم انسانی ہمدردی کی بنیاد پر غزہ میں جنگ میں وقفے کی حمایت کرتے ہیں۔
انھوں نے لکھا کہ وہ کینیڈا میں فلسطینی خاندانوں سے ملے، جنھوں نے اپنے پیاروں کو غزہ میں کھو دیا ہے، ملاقات میں فلسطینی خاندانوں نے اپنے درد اور صدمے کا اظہار کیا۔
As we call for renewed efforts toward a two-state solution, we’ll continue to advocate for humanitarian pauses, for humanitarian aid to be delivered, and for international law to be upheld. Canada is committed to the goal of just and lasting peace in the Middle East.
— Justin Trudeau (@JustinTrudeau) November 2, 2023
وزیر اعظم ٹروڈو نے کہا کہ ہم دو ریاستی حل کے لیے کوششوں کا مطالبہ کرتے ہیں، اور انسانی ہمدردی کی بنیاد پر غزہ میں جنگ میں وقفے کی حمایت کرتے ہیں، غزہ میں انسانی بنیادوں پر امداد فوری پہنچائی جانی چاہیے۔
یو این جنرل اسمبلی: غزہ جنگ بندی کے لیے ووٹ دینے اور نہ دینے والے ممالک
کینیڈین وزیر اعظم کا یہ بھی کہنا تھا کہ کینیڈا مشرق وسطیٰ میں منصفانہ اور دیرپا امن کے مقصد کے لیے پر عزم ہے۔ یاد رہے کہ گزشتہ ہفتہ اقوام متحدہ کی جنرل اسمبلی کے اجلاس میں غزہ میں جنگ بندی کے لیے ووٹ نہ دینے والے 45 ممالک میں کینیڈا بھی شامل تھا۔