کابل: افغانستان کے دارالحکومت کابل میں دہشت گردوں نے ہوٹل پر حملہ کردیا، سیکیورٹی فورسز سے فائرنگ کے تبادلے میں تین دہشت گرد مارے گئے۔
افغان میڈیا رپورٹس کے مطابق افغانستان کے دارالحکومت کابل میں دہشت گردوں نے حملہ کردیا، ہوٹل میں دھماکے کی آوازیں سنی گئیں جبکہ فورسز اور دہشت گردوں کے درمیان فائرنگ کا تبادلہ جاری ہے۔
میڈیا رپورٹس میں بتایا گیا ہے کہ مسلح افراد نے وسطی کابل میں میں ہوٹل میں اندھا دھند فائرنگ کی جبکہ ہوٹل میں غیرملکی شہری رہائش پذیر ہیں۔
طالبان کے زیر انتظام افغانستان انتظامیہ کے ترجمان کا بتانا ہے کہ سیکیورٹی فورسز نے تین حملہ آوروں کو ہلاک کردیا ہے۔
انہوں نے بتایا کہ یہ حملہ ایک تجارتی اور رہائشی علاقے شہر نو میں واقع کابل لونگن ہوٹل میں ہوا جس کے بعد آگ بھڑک اٹھی۔
’حملے میں کوئی غیرملکی ہلاک نہیں ہوا‘
دوسری جانب افغان حکومت کے ترجمان ذبیح اللہ مجاہد نے ٹوئٹ کیا کہ ’ہوٹل پر حملہ آور تین افراد کو ہلاک کردیا گیا ہے، تمام مہمان محفوظ ہیں، حملہ میں کوئی غیرملکی ہلاک نہیں ہوا جبکہ دو غیرملکی ہوٹل سے کودنے کے باعث زخمی ہوئے ہیں۔
عاجل:
الهجوم على فندق في منطقة شهر ناو بمدينة (كابل) انتهى بمقتل ۳ مهاجمين.
تم إنقاذ جميع ضيوف الفندق ولم يقتل أي أجنبي.
أُصيب ضيفان أجنبيان نتيجة سقوطهما عندما قفزا من مبنى الفندق للنجاة بحياتهما.— Zabihullah (..ذبـــــیح الله م ) (@Zabehulah_M33) December 12, 2022
افغان میڈیا کا بتانا ہے کہ افغان فورسز نے علاقے کا محاصرہ کرلیا ہے جبکہ سرچ آپریشن جاری ہے۔
