ہندو انتہا پسند تنظیم کی کمل ہاسن کو قتل کرنے کی دھمکی kamal haasan
The news is by your side.

Advertisement

ہندو انتہا پسند تنظیم کی کمل ہاسن کو قتل کرنے کی دھمکی

چنئی: تامل فلموں کے معروف اداکار کمل ہاسن کو ہندو انتہا پسند تنظیم نے قتل کرنے کی دھمکی دے دی۔

تفصیلات کے مطابق تامل فلموں معروف اداکار اور اداکارہ شروتی ہاسن کے والد کمل ہاسن کو حکمراں جماعت بھارتیہ جنتا پارٹی کے خلاف آرٹیکل لکھنا مہنگا پڑگیا، آرٹیکل لکھنے پر انہیں قتل کرنے کی دھمکیاں دی جارہی ہیں۔

انتہا پسند ہندو تنظیم اکھل بھارتیا مہاسبھا کے نائب صدر پنڈت اشوک شرما نے کہا ہے کہ کمل ہاسن کو سبق سکھانے کے لیے انہیں قتل کردیا جائے یا پھر پھانسی دی جائے۔

ایسا شخص جو ہندو عقیدے کے بارے میں نامناسب بات کرے اسے بھارتی سرزمین پر رہنے کا کوئی حق نہیں۔

دوسری جانب اداکار کمل ہاسن نے اپنے مخالفین کو کرارا جواب دیتے ہوئے کہا ہے کہ جو تنقید برداشت نہیں کرسکتے، وہ اب مجھے جان سے مارنے کی دھمکی دے رہے ہیں، اگر ہم ان پر سوال اٹھاتے ہیں تو وہ جواب دینے کے بجائے ہمیں ملک مخالف قرار دیتے ہیں۔

واضح رہے کہ کمل ہاسن نے ہندو انتہا پسند تنظیم کے بارے میں کہا تھا کہ دائیں بازو نے اب اپنی طاقت کا استعمال شروع کردیا ہے۔

دایاں بازو تشدد میں ملوث ہے، ہندو کیمپوں میں دہشت گردی گھس چکی ہے، کوئی یہ نہیں کہہ سکتا کہ ہندو دہشت گردی کا وجود نہیں ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں