ممبئی: شوبز انڈسٹری سے تعلق رکھنے والی معروف شخصیات مداحوں کے ساتھ رابطہ رکھنے کے لیے سماجی رابطے کی ویب سائٹس کا استعمال کرتی ہیں۔
وہ معروف شخصیات جو سماجی رابطوں کی مختلف ویب سائٹس کا استعمال کرتی ہیں وہ کافی متحرک بھی رہتی ہیں اور اپنی تصاویر شیئر کرتی ہیں جس کا مقصد مداحوں کے ساتھ وقتاً فوقتاً رابطہ رکھنا اور انہیں اپنے کام یا زندگی سے متعلق آگاہی دینا ہوتا ہے۔
سوشل میڈیا صارفین اور خصو صاً مداح تصاویر اور ویڈیوز کو نہ صرف پسند کرتے ہیں بلکہ اپنی ہردل عزیز شخصیت کو نئے روپ میں دیکھ کر خوش بھی ہوتے ہیں۔
مزید پڑھیں: ماہرہ خان کی رخصتی، تصاویر سامنے آگئیں
اسی طرح انٹرنیٹ پر ایک تصویر وائرل ہوئی جس میں دو لڑکے موجود ہیں، ان میں سے ایک نوجوان دراصل بالی ووڈ انڈسٹری کا آج بڑا نام ہے۔ سماجی رابطے کی ویب سائٹ پر شیئر ہونے والی تصویر دراصل معروف کامیڈین، اداکار اور گلوکار کی ہے۔
جی ہاں یہ تصویر کپل شرما نے اپنی آئی ڈی سے شیئر کرتے ہوئے لکھا کہ ’یہ سن 2000 میں لی گئی تصویر ہے جب میں کالج میں زیر تعلیم تھا اور اس وقت میں آڈیشن کے لیے آیا تھا’۔ کامیڈین نے یہ تو نہیں بتایا کہ وہ کس چیز کے آڈیشن کے لیے کہاں گئے تھے البتہ اُن کی تصویر دیکھ کر مداحوں نے دلچسپ تبصرے ضرور کیے۔
