کراچی: رینجرز نے باجوڑ، کراچی کے اندر دہشتگردی میں ملوث کالعد م تنظیم داعش کے 2 انتہائی مطلوب دہشتگرد کو گرفتار کرلیا۔
تفصیلات کے مطابق رینجرز اور ایس آئی یو نے خفیہ معلومات پر گڈاپ میں کارروائی کرتے ہوئے کالعد م تنظیم داعش کے 2 انتہائی مطلوب دہشتگرد کو گرفتار کرلیا۔
ترجمان رینجرز کے مطابق گرفتار دہشتگرد میں فرمان اللہ عرف احتشام عرف علی عرف رحمت اللہ اور داوٴد عرف امیر صاحب شامل ہیں، ملزمان سے دستی بم اور اسلحہ وایمو نیشن بھی برآمد ہوا۔
ترجمان رینجرز کا بتانا ہے کہ فرمان اللہ عرف احتشام عرف علی عرف رحمت اللہ داعش کا سرگرم رکن ہے، دہشتگرد کے پی باجوڑ، کراچی کے اندر دہشتگردی کی متعددکارروائیوں میں مطلوب تھا۔
ترجمان کا کہنا تھا کہ دہشتگرد کا سرغنہ ساتھی سکندر 2020 میں کراچی سے گرفتار ہو ا جبکہ یہ دہشتگرد افغانستان فرار ہو گیا تھا کچھ عرصہ قبل واپس کراچی آکر روپوش ہو گیا۔
ترجمان رینجرز کا کہنا تھا کہ گرفتار دہشتگرد کے ساتھی باجوڑ میں سیکیورٹی فورسز کیخلاف مقابلوں میں ہلاک ہو چکے، ان دہشتگرد کے خلاف تھانہ پی آئی بی کالونی میں سنگین نوعیت کے مقدمات درج ہیں۔
ترجمان نے مزید بتایا کہ ملزم داوٴد عرف امیر صاحب کا تعلق تحریک طالبان باجوڑ سے ہے، ملزم نے حال ہی میں تحریک طالبان چھوڑ کر داعش میں شمولیت اختیار کی۔
ترجمان نے مزید بتایا کہ ملزم ساتھی فرمان اللہ عرف احتشام کے ساتھ ملکر گروپ کو دوبارہ منظم کر رہا تھا،گرفتار ملزمان کے ساتھیوں کی گرفتاری کے لیئے چھاپے مارے جا رہے ہیں جبکہ ان ملزمان کو اسلحہ و ایمونیشن قانونی کارروائی کیلئے پولیس کے حوالےکر دیا گیا۔
