The news is by your side.

Advertisement

کراچی میں بس نے دو موٹر سائیکل سواروں کو کچل ڈالا

کراچی کے علاقے شیریں جناح کالونی میں بس نے دو موٹر سائیکل سواروں کو کچل ڈالا۔

اے آر وائی نیوز کے مطابق کراچی کے علاقے شیریں جناح کالونی میں افسوسناک حادثہ پیش آیا جہاں تیز رفتار بس نے دو موٹر سائیکل سواروں کی زندگی کے چراغ گل کردیے۔

دونوں موٹر سائیکل سوار موقع پر ہی جاں بحق ہوگئے، دونوں‌ نوجوانوں‌ کی شناخت فوری طور پر نہیں‌ ہوسکی، لاشوں کو ضابطے کی کارروائی کے لیے اسپتال منتقل کردیا گیا۔

پولیس نے مسافر بس کے ڈرائیور کو گرفتار کرکے بس کو تحویل میں لے لیا۔

ادھر سپر ہائی وے پر تیز رفتار سوزوکی کی ٹکر سے ایک نوجوان جاں بحق ہوگیا جس کی لاش کو اسپتال منتقل کردیا گیا۔

واضح رہے کہ کراچی میں ٹریفک حادثات میں کمی نہ آسکی آئے روز کئی نوجوان بسوں اور تیز رفتار ٹینکر کی زد میں آکر اپنی قیمتی جانوں سے ہاتھ دھو بیٹھتے ہیں۔

کراچی کی سڑکوں پر خونی ٹینکر دندناتے پھرتے ہیں پھر بھی ٹریفک پولیس کی جانب سے کوئی کارروائی عمل میں نہیں لائی جاتی، شہریوں نے اعلیٰ حکام سے ٹینکر مافیا کے خلاف کارروائی کا مطالبہ کیا ہے۔

Comments

یہ بھی پڑھیں