The news is by your side.

Advertisement

ایئرپورٹ ہوٹل کے بھارتی مسافروں کے بلاک پر پولیس کا دوبارہ قبضہ

کراچی : محکمہ پولیس کا ایک اور کارنامہ سامنے آیا ہے، دو ماہ قبل ائرپورٹ ہوٹل میں قائم بھارتی مسافروں کیلئے قائم بلاک خالی کرنے کے بعد اسپیشل برانچ نے دوبارہ قبضہ کرلیا۔

چالیس کمروں پرمشتمل بلاک سے پولیس کا انخلاء فروری میں انتظامیہ کے آئی جی کو لکھے گئے خط کے ذریعے عمل میں آیا تھا، ایس ایس پی سیکیورٹی اسپیشل برانچ نےدوبارہ پولیس تعینات کردی۔

ٹرانزٹ بھارتی شہریوں کی سیکورٹی کے حوالے سے ہوٹل کا مذکورہ بلاک 28 سال سے اسپیشل برانچ کے کنٹرول میں تھا، مذکورہ بلاک کو پی آئی اے کی بھارتی پروازوں کی معطلی کے باعث28سال بعد23فروری کو کمرشل استعمال کے لئے خالی کرایا گیا تھا، جس کے بعد9اپریل کوایس ایس پی سیکیورٹی اسپیشل برانچ نے ٹرانزٹ پسنجرز یونٹ کی دوباری انٹری کے لئے خط جاری کیا،۔

جاری خط میں ٹرانزٹ پسنجر کے ممکنہ فرار یا گم ہوجانے کو رپورٹ کرنے کے لئے یونٹ کی دوبارہ انٹری کا کہا گیا، خط میں ایس ایس پی سیکیورٹی نے یونٹ کے انخلاء کے لئے20فروری کے جاری خط کو کینسل قرار دیا،۔

اس حوالے سے ترجمان پی آئی اے کا کہنا ہے کہ مذکورہ بلاک میں اب ٹھہرنے والے ٹرانزٹ پسنجرز میں کوئی بھی غیر ملکی شامل نہیں ہے۔

ماضی میں اسپیشل برانچ کی ہوٹل میں تعیناتی بھارتی اور غیر ملکی ٹرانزٹ مسافروں کے حوالے سے تھی،ترجمان کے مطابق پولیس کے اعلیٰ حکام سمیت قانونی چارہ جوئی کے تمام آپشز کھلے ہیں۔

مزید پڑھیں: کراچی ائرپورٹ پر بھارتی مسافروں کیلئے قائم ہوٹل کا بلاک خالی کرالیا گیا

واضح رہے کہ بھارت کے ٹرانزٹ مسافروں کے لئے28سال سے قائم کراچی ایئر پورٹ ہوٹل کا بلاک اسپیشل برانچ سے23فروری کو خالی کرایا گیا تھا۔

بھارتی پروازوں کے ذریعے کراچی آنے والے بھارتی شہریوں کو سیکیورٹی کی بنا پر ایئر پورٹ ہوٹل کے مذکورہ بلاک میں رکھا جاتا تھا جو پروازوں کی معطلی کے بعد بند کردیا گیاتھا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

Comments

comments

یہ بھی پڑھیں