کراچی کے علاقے گلشن اقبال میں 16 سال کی گھریلو ملازمہ کو مبینہ طور پر زہر دے کر مارنے کا انکشاف ہوا ہے۔
اے آر وائی نیوز کے مطابق پولیس کا بتانا ہے کہ گلشن اقبال 13 سی میں 16 سالہ سونیا بنگلے میں ملازمہ تھی، والدہ کا کہنا ہے کہ اتوار کو صبح سونیا معمول کے مطابق بنگلے میں کام کرنے گئی جب گھر واپس آئی تو حالت تشویش ناک تھی۔
لواحقین کا کہنا ہے کہ سونیا کو گزشتہ روز انتہائی تشویش ناک حالت میں جناح اسپتال منتقل کیا تھا۔
لواحقین نے مطالبہ کیا ہے کہ سونیا دوراج علاج دم توڑ گئی ہمیں انصاف فراہم کیا جائے۔
دوسری جانب پولیس حکام کا کہنا ہے کہ گھریلو ملازمہ کی موت کیسے ہوئی اس سے متعلق تفتیش جاری ہے، لڑکی کے اہلخانہ زیادتی اور زہر دینے کا دعویٰ کررہے ہیں۔
پولیس کا بتانا ہے کہ میڈیکل رپورٹ میں لڑکی کی موت اور زیادتی کے شواہد کی جانچ کی جائے گی۔