The news is by your side.

Advertisement

ایڈیشنل آئی جی کراچی کا ماڈل تھانے بحال کرنے کا فیصلہ

شہر قائد کے تھانوں کو جدید خطوط پر استوار کرنے کے لئے بڑا قدم اٹھالیا گیا ہے۔

اے آر وائی نیوز کے مطابق ایڈیشنل آئی جی کراچی غلام نبی میمن نے شہر بھر میں ماڈل تھانے بحال کرنے کا اصولی فیصلہ کیا ہے، پہلے مرحلے میں سپر مارکیٹ تھانے کو لیاقت آباد تھانے میں ضم کر دیا جائے گا ماڈل تھانے کے لیے تمام سہولیات ایس ایچ او کو فراہم کی جائیں گی۔

واضح رہے کہ سال دو ہزار انیس میں وزیراعلیٰ سندھ مراد علی شاہ نے کراچی کے 3 ماڈل تھانوں کیلئے 5 کروڑ روپے کے بجٹ کی منظوری دے دی تھی، غلام نبی میمن نے ماڈل تھانے بنائے تھے جبکہ عمران یعقوب منہاس نےچارج لینےکےبعد ماڈل تھانےختم کر دیئےتھے۔

کلفٹن بوٹ بیسن، درخشاں ساحل سمیت دیگر تھانوں کو ضم کیا گیا تھا

تاہم 26 جون دوہزار اکیس کو ماڈل تھانہ لیاقت آباد اور سپر مارکیٹ کو الگ کر دیا گیا تھا، کامران حیدر کو ایس ایچ او سپر مارکیٹ تعینات کیا گیا تھا، جب کہ ایس ایچ او لیاقت آباد رضوان پٹیل کو برقرار رکھا گیا تھا۔

Comments

یہ بھی پڑھیں