تازہ ترین

رجب طیب اردوان کی تاریخی کامیابی، پھر صدر منتخب

انقرہ : ترکیہ کے صدارتی انتخاب کے دوسرے اور...

حکومت نے پی ٹی آئی کیساتھ مذاکرات سے صاف انکار کر دیا

لاہور: وفاقی وزیر ریلوے سعد رفیق نے پاکستان تحریک...

ٹکٹ ہولڈر چوہدری اقبال اور ملک خرم علی نے پی ٹی آئی چھوڑنے کا اعلان کر دیا

اسلام آباد/سرگودھا: پی ٹی آئی رہنما ملک خرم علی...

اسلام آباد سمیت مختلف شہروں میں 6.0 شدت کا زلزلہ

اسلام آباد: وفاقی دارالحکومت اسلام آباد سمیت ملک کے...

قوم کا اتحاد ہی پاکستان کی اصل جوہری قوت ہے، وزیراعظم

وزیراعظم شہباز شریف نے یوم تکبیر کے موقع پر...

کراچی: ڈبل سواری کی پابندی سے استثنیٰ ختم، صحافی اور پولیس اہل کار بھی پابند ہوں گے

کراچی: محکمہ داخلہ سندھ نے مستثنیٰ افراد کو موٹر سائیکل کی ڈبل سواری پر پابندی میں دی جانے والی رعایت ختم کر دی۔

اے آر وائی نیوز کی رپورٹ کے مطابق محکمہ داخلہ سندھ نے کرونا وائرس کے پیش نظر موٹرسائیکل کی ڈبل سواری پر پابندی سے مستثنیٰ افراد کو دی جانے والی رعایت بھی ختم کردی، ایڈیشنل آئی جی کراچی غلام نبی میمن نے بھی پابندی کی تصدیق کردی۔

ایڈیشنل آئی جی کا کہنا ہے کہ ڈبل سواری کی کسی بھی صورت اجازت نہیں ہے، پولیس افسران اور اہلکار ڈبل سواری پر پابندی کو یقینی بنائیں۔

غلام نبی میمن کا کہنا تھا کہ پابندی کی خلاف ورزی پر قانون کارروائی عمل میں لائی جائے گی۔

نمائندہ اے آروائی نیوز کے مطابق ایڈیشنل آئی جی سندھ کا کہنا ہے کہ مستثنیٰ‌افراد پر ڈبل سواری پر پابندی محکمہ داخلہ سندھ کی جانب سے لگائی گئی ہے.

فیملی کے ساتھ بھی موٹرسائیکل پر نہ نکلیں، خاتون ایس ایچ ا و کی تنبیہ

دوسری جانب ملیر میں پولیس نے ڈبل سواری پر شہریوں کی بڑی تعداد کو روک لیا، شہری خواتین اور بچوں کے ساتھ موٹر سائیکل پر سفر کررہے تھے۔ خاتون ایس ایچ او نے تنبیہ کرتے ہوئے کہا کہ  ابھی وارننگ دے کر چھوڑ رہی ہیں،فیملی کے ساتھ بھی موٹرسائیکل پر نہ نکلیں۔

واضح رہے کہ کرونا وائرس کے پھیلاؤ کو روکنے کے لیے محکمہ داخلہ سندھ نے پہلے ہی ڈبل سواری پر پابندی عائد کررکھی ہے اور خلاف ورزی کرنے والے متعدد افراد کو گرفتار کرکے مقدمات درج کیے گئے ہیں۔

یاد رہے کہ کرونا وائرس کے پیش نظر سندھ سمیت کراچی میں 22 مارچ سے لاک ڈاؤن جاری ہے اور سندھ حکومت نے 30 اپریل تک لاک ڈاؤن میں توسیع کی تھی۔

Comments