کراچی میں بارش ہوگی یا نہیں؟ محکمہ موسمیات نے بتادیا

کراچی: شہر قائد میں آج موسم گرم رہے گا، جبکہ دن میں معمول سے تیز ہوائیں چلنے کا امکان ظاہر کیا جارہا ہے۔

محکمہ موسمیات کے مطابق کراچی کا موجودہ درجہ حرارت 26 ڈگری سینٹی گریڈ ہے، جبکہ 25 کلومیٹر فی گھنٹے کی رفتار سے ہوا چل رہی ہے۔

محکمہ موسمیات کا کہنا ہے کہ دن میں درجہ حرارت 32 سے 35 ڈگری سینٹی گریڈ تک رہنے کا امکان ہے، جبکہ شہر میں بارش کا فی الحال کوئی امکان نہیں ہے۔

دوسری جانب بلوچستان کے بیشتر اضلاع میں موسم خشک رہے گا، ژوب، موسیٰ خیل اور گرد نواح میں شام، رات میں گرج چمک کیساتھ ہلکی بارش کا امکان ہے۔

پاکستان میں اپریل میں بارشوں کا 30 سالہ ریکارڈ ٹوٹ گیا

کوئٹہ میں کم سے کم درجہ حرارت 15 ڈگری سینٹی گریڈ ریکارڈ کیا گیا، جبکہ قلات میں کم سے کم درجہ حرارت 14 ڈگری سینٹی گریڈ ریکارڈ کیا گیا۔

Comments