ہالی وڈ، بالی وڈ یا پھر لالی وڈ کی اداکارائیں ہوں ان کی آپس کی چپقلش کوئی ڈھکی چھپی بات نہیں، کرینہ کپور نے رنجش کے باعث کترینہ کو ایوارڈ دینے سے انکار کردیا تھا۔
بالی وڈ کے چھوٹے نواب سیف علی خان کی زوجہ کرینہ کپور سے 2010 میں ہونے والے ایک ایوارڈ شو کے دوران کہا گیا کہ انھیں باربی ڈول کترینہ کیف کو ایوارڈ پیش کرنا ہے۔ تاہم منتظمین کی اس وقت حیرت کی انتہا نہی رہی جب بیبو نے ایسا کرنے سے صاف انکار کردیا۔
اس کی وجہ بھی کرینہ کپور نے خود ہی بتائی، ان کے مطابق وہ ایسا کرنے سے وہ کترینہ کے لیے مثال قائم کریں گی اور ان کا عمل ان پر ہی لوٹائیں گی۔
کرینہ کپور کو شکایت تھی کہ ایک ایوارڈ شو کے دوران کترینہ کیف نے بھی انھیں ایوارڈ پیش کرنے سے انکار کیا تھا۔ اس لیے اب وہ ’ جیسے کو تیسا‘ کی مثال بنتے ہوئے باربی ڈول کو فلم ایوارڈ پیش نہیں کریں گی۔
تاہم یہاں پر بیبو کو تھوڑی سی غلط فہمی ہوگئی تھی، کیونکہ کترینہ کی خواہش تھی کہ وہ اپنے سینئر کے لیے احترام کا مظاہرہ کریں۔
کترینہ کیف چاہتی تھیں کہ وہ اپنی ہم عصر اور سینئر اداکارہ کو عزت دیتے ہوئے ایوارڈ پیش نہ کریں کیوں کہ یہ انھیں مناسب نہیں لگ رہا تھا۔ تاہم کرینہ کپور تک بات کسی او زاویے میں پہنچی اور انھوں نے وقت آنے پر اپنے دل کی بھڑاس نکال لی۔
