سری نگر : مقبوضہ کشمیر کےعلاقے شوپیاں سے بھارتی فوجی افسر کی لاش برآمد ہوئی ، فوجی افسر کو گولیاں مار کر قتل کیا گیا۔
بھارتی میڈیا کے مطابق مقبوضہ کشمیر کے علاقے شوپیاں سے بھارتی فوجی افسر کی لاش ملی، بھارتی افسر کو فائنگ کرکے ہلاک کیا گیا، لاش کی شناخت لیفٹیننٹ عمر فیاض کے نام سے ہوئی۔
مقتول افسر کی لاش کو پوسٹمارٹم کے لئے ہسپتال منتقل کردیا گیا ہے۔
مقبوضہ کشمیر پولیس کے مطابق گژشتہ روز فوجی افسرعمر فیاض کسی خاندانی تقریب میں شرکت کے لئے جارہے تھے کہ راستے میں اغواء کرلیا گیا، سینئر افسر نے حال ہی میں بھارتی فوج میں شمولیت اختیار کی تھی۔
وزیر مملکت ہنس راج اہیر نے بھارتی فوجی کی ہلاکت کی مذمت کرتے ہوئے کہا ہے کہ دیکھتے ہیں تحقیقات میں کیا باہر آتا ہے پھر ایک بھرپور جواب دیا جائے گا۔
مزید پڑھیں : مقبوضہ کشمیر : بھارتی فوج کے کیمپ پرحملہ، 3بھارتی فوجی سمیت 2 حملہ آور ہلاک
دوسری جانب مقبوضہ کشمیرمیں قابض بھارتی فوج کے مظالم تھمنے کا نام نہیں لے رہے، نہتے کشمیریوں کی جان لینا بھارتی فورسزکا معمول بن گیا، آزادی کے حصول کے لئے خواتین اورنوجوان بھی جانوں کا نذرانہ پیش کررہے ہیں۔
واضح رہے کہ 8 جولائی کو حریت پسند برہان وانی کی بھارتی فوج کے ہاتھوں شہادت کے بعد مقبوضہ وادی میں پر امن احتجاج کا سلسلہ شروع ہوا تھا، جاری بھارتی مظالم میں اب تک 100 سے زائدکشمیری شہید جبکہ پانچ ہزار سے زیادہ زخمی ہو چکے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
