The news is by your side.

Advertisement

نریندرمودی کی سری نگر آمد، کشمیری مظاہرین کی اندھا دھند گرفتاریاں

سری نگر : مقبوضہ وادی کشمیر میں بھارتی فوج کی دہشت گردی جاری ہے، فوجیوں نے  نریندر مودی کی آمد پر  پورے سری نگر کو جیل بنا دیا۔

تفصیلات کے مطابق مقبوضہ وادی کشمیر میں بھارتی فوج کے مظالم جاری ہیں، نریندر مودی کے دورہ مقبوضہ کشمیر کے خلاف احتجاج کرنے والوں کی پکڑ دھکڑ کا سلسلہ جاری ہے، انتظامیہ نے جگہ جگہ کنٹینر رکھ کر راستے بند کر دئیے اور ٹرانسپورٹ پر مکمل پابندی لگا دی گئی۔

بھارتی وزیراعظم مودی کے دورے کے خلاف احتجاج کرنے والوں کیلئے بھارتی فورسز نے پورا سری نگر ہی جیل بنا دیا۔ حریت رہنماؤں کو ریلی روکنے کیلئے سارے راستے سیل کر دئیے گئے جگہ جگہ رکاوٹیں کھڑی کردیں اور پولیس کی اضافی نفری تعینات رہی۔

سری نگر میں ٹریفک کی آمد ورفت پر بھی پابندی لگا دی گئی۔ گزشتہ روز نریندر مودی کی آمد کیخلاف مقبوضہ کشمیر میں جگہ جگہ مظاہرے کئے گئے تھے۔

احتجاج کرنے والوں کی پکڑدھکڑ اور تشدد کا سلسلہ آج دوسرے روز بھی جاری رہا، بھارتی فوج کی جارحیت کے باوجود حریت قیادت نے آج پوری وادی میں میر واعظ مولوی فاروق کی برسی پر بھرپور احتجاج کا اعلان کیا ہے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں