بھارتی فلم انڈسٹری کی معروف اداکارہ کترینہ کیف کی بغیر میک کے ویڈیو سوشل میڈیا کی زینت بن گئی ہے۔
بھارتی میڈیا کا اس حوالے سے کہنا ہے کہ معروف اداکارہ کو ممبئی ایئر پورٹ پر بنا میک اپ دیکھا گیا، اس دوران ان کی ٹیم کے افراد بھی موجود تھے۔
کترینہ نے ایئر پورٹ پر موجود سیکیورٹی اہلکار کو اپنے دستاویز اور دیگر کاغذات دکھائے، اس موقع پر فوٹوگرافرز کی بڑی تعداد بھی موجود تھی جن کو کترینہ کیف نے ہاتھ ہلا کر جواب بھی دیا۔
بھارتی میڈیا کے مطابق ان دنوں کترینہ کیف اپنی 2 فلموں کی پروموشن میں مصروف ہیں۔ سوشل میڈیا پر اداکارہ کی بنا میک اپ تصویر پر مداح ان کی خوب تعریف کر رہے ہیں۔
اس سے قبل بھارتی فلم انڈسٹری کی معروف اداکارہ کترینہ کیف نے اپنی رول ماڈل اداکارہ کے بارے میں انکشاف کیا تھا۔
بھارتی میڈیا کے مطابق کترینہ کیف نے اس حوالے سے انکشاف کرتے ہوئے کہا کہ وہ حادثاتی طور پر ادکاری کے شعبے میں آئیں، دراصل وہ ماڈل بننا چاہتی تھیں اور ملائیکہ اروڑا اُن کے لیے ایک رول ماڈل اداکارہ تھیں۔
حال ہی میں ایک انٹرویو کے دوران کترینہ کیف کا کہنا تھا کہ وہ شوبز کی دنیا میں قدم رکھنے کے بعد صرف ماڈل بننا چاہتی تھیں، وہ صرف ماڈلنگ کے لیے ہی ممبئی آئی تھیں، اس دوران اُن کی رول ماڈل اداکارہ و سپر ماڈل ملائیکہ اروڑا تھیں۔
کترینہ کا کہنا تھا کہ ’جب میں نے بمبئی میں ایک ماڈل کے طور پر اپنے کیریئر کا آغاز کیا تھا، اس دوران میں صرف ایک ماڈل بننے کا ہی ارادہ رکھتی تھی، میرا اداکاری کرنے کا کوئی ارادہ نہیں تھا۔‘
