کراچی : وفاقی وزیر ہوا بازی خواجہ سعد رفیق علامہ اقبال انٹرنیشنل ائیرپورٹ کے مرکزی رن وے کی اپ گریڈیشن کا معاملے پر ابتدائی تقریب سے لاعلم نکلے۔
اس حوالے سے ذرائع کا کہنا ہے کہ وفاقی وزیر رن وے کے افتتاح کے موقع پر جوش خطابت میں 380طیارے کی لینڈنگ کا دعویٰ کرگئے۔
ذرائع کے مطابق ائیربس اے380 طیارے کی لینڈنگ کے بعد طیارے کو رن وے سے ٹیکسی وے پر لے جانے کے لیے کوئی اقدامات نہیں کیے گئے۔
ائیربس380 کے لئے نئے رن وے پر ٹیکسی وے کرنا مشکل ہے، سول ایوی ایشن نے عجلت میں رن وے کو فور ایف کیٹیگری کا سرٹیفکیشن جاری کیا گیا۔
اس حوالے سے ڈی جی سی اے اے خاقان مرتضیٰ کا کہنا ہے کہ لاہور ایئرپورٹ کے مرکزی رن وے کا فیز ون مکمل کرلیا گیا ہے۔
انہوں نے بتایا کہ رن وے کو فور ایف کیٹیگری کا نوٹیفکیشن جاری کرنے کا مقصد جدید بوئنگ 777، 900طیارہ لینڈ کرسکے گا۔
دوسرے فیز میں ایئربس 380کے طیارے کی لنک ٹیکسی وے کی تعمیر کی جائے گی، مستقبل میں ایئر بس 380کیلئے ڈبل برج کی تنصیب کیلئے منصوبے پر کام شروع کیا جائے گا۔
ڈی جی سی اے اے خاقان مرتضیٰ کا مزید کہنا ہے کہ ایئربس380طیارے کی لینڈنگ کی سہولت تو موجود ہے لیکن اس کو پارک کرنے کی سہولت فی الحال نہیں ہے۔
