بھارتی اداکار کیارا ایڈوانی اور سدھارتھ ملہوترا کی شادی 7 فروری کو راجستھان کے جیسلمیر کے سوریہ گڑھ پیلس میں ہوئی تھی، تاہم شادی کے چند ماہ بعد بھارتی اداکارہ نے اپنے شوہر سے متعلق ایک انکشاف کیا ہے۔
کیارا ایڈوانی ”کافی ود کرن“ میں شریک ہوئیں، اس موقع پر پروگرام کے میزبان کرن جوہر نے ان سے کچھ مشکل سوالات بھی کئے۔ جن کاکیارا ایڈوانی نے انتہائی صبر و تحمل سے جواب دیا۔
کیارا ایڈوانی نے انکشاف کیا سدھارتھ ملہوترا نے مجھے پروپوز کرتے وقت اپنے بھتیجے کو ایک جگہ چھپا دیا تھا، تاکہ وہ اس موقع پر تصاویر بنا سکے۔
کیارا اڈوانی نے کہا کہ وہ سدھارتھ اور ان کے خاندان کے ساتھ روم کے دورے پر گئی تھیں اور انہیں معلوم تھا کہ وہ انہیں پروپوز کریں گے۔ کیارا نے کہا کہ میں نے سدھارتھ کو پہلے والدین کی اجازت لینے کو کہا تھا۔
کیارا نے مزید تفصیلات بتاتے ہوئے کہا کہ سدھارتھ مجھے ریستوران لے گئے تھے جہاں ان کا بھتیجا چھپ کر ہماری تصاویر بنانے میں مصروف رہا۔
انہوں نے بتایا کہ کینڈل لائٹ ڈنر کا اہتمام تھا، ہم کھانا کھانے کے بعد ایک مقام پر پہنچے اور سدھارتھ نے گھٹنوں کے بل بیٹھ کر مجھے پروپوز کیا، اس موقع پر انہوں نے فلم شیرشاہ کی سطریں کہنا شروع کیں۔ دلی کا سیدھا سادھا لونڈا ہوں (میں دہلی کا ایک سادہ سا لڑکا ہوں) اور میں ہنس پڑی۔
پہلی ملاقات میں ساس کا دل کیسے جیتا؟ کیارا اڈوانی نے بتا دیا
سدھارتھ اور کیارا اس سال فروری میں اپنے اہل خانہ اور قریبی دوستوں کی موجودگی میں شادی کے بندھن میں بندھے تھے۔ شاہد کپور اور اہلیہ میرا راجپوت، کرن جوہر، منیش ملہوترا اور جوہی چاولہ اس شادی میں چند منتخب مہمانوں میں شامل تھے۔
