کراچی : غیرت کے نام پر مرد اورعورت کو قتل کرنے والا باپ اور شوہر گرفتار -
The news is by your side.

Advertisement

کراچی : غیرت کے نام پر مرد اورعورت کو قتل کرنے والا باپ اور شوہر گرفتار

کراچی : فیڈرل بی ایریا میں غیرت کے نام پر مرد اور عورت کے قتل کے الزام میں پولیس نے دو ملزمان کو گرفتار کرلیا، خاتون کے شوہر اور باپ نے دونوں کو تشدد کرکے قتل کیا۔

تفصیلات کے مطابق کراچی کے علاقے فیڈرل بی ایریا میں غیرت کے نام پر مرد اور عورت کے قتل کیس میں پیشرفت ہوئی ہے دہرے قتل کی واردات میں ملوث دو ملزمان گرفتار کرلیے گئے۔

گرفتار افراد میں مقتولہ عصمت بی بی کا شوہر صابر اور باپ خیر محمد شامل ہیں، عصمت بی بی اور عمیر عالم کو آج صبح تشدد کرکے قتل کیا گیا تھا۔

پولیس کے مطابق ایف بی ایریا میں آج صبح گھر سے خاتون سمیت دو افراد کی لاشیں ملی تھیں، لڑکے کی شناخت عمیرعالم اور لڑکی کی عصمت کے نام سے ہوئی، دونوں لاشوں پر تشدد کےنشانات تھے۔

مزید پڑھیں : فیصل آباد میں باپ نے غیرت کے نام پر بیٹی کو قتل کر دیا

ملزمان واردات کے  بعد فرار ہونے میں کامیاب ہوگئے تھے تاہم پولیس نے فوری کارروائی کرتے ہوئے ملزمان کو حراست میں لے لیا۔
ایس ایس پی سنٹرل عرفان بلوچ نے بتایا کہ ملزم صابر نے اپنی اہلیہ اور عمیر کو اکٹھے دیکھ لیا تھا اور اس کا غصہ غیرت کے نام پر قتل کی صورت میں اترا۔

 

Comments

comments

یہ بھی پڑھیں