معروف اداکارہ کنزہ ہاشمی نے اداکاری کے شعبے میں آنے سے متعلق اہم انکشاف کیا ہے۔
کنزہ ہاشمی کا ایک ٹی وی شو میں بات کرتے ہوئے کہنا تھا کہ انہیں اداکاری سے کوئی دلچسپی نہیں تھی، گانے کا آڈیشن دینے گئی تھی مگر مجھے اداکاری کے لئے منتخب کرلیا گیا۔
کنزہ ہاشمی نے بتایا کہ میری خواہش تھی میں گلوکارہ بن جاؤں، خواہش کی تکمیل کے لئے میں نے ایک ٹیلنٹ ایجنسی سے رابطہ کیا۔
ٹیلنٹ ایجنسی نے کچھ عرصے بعد مجھ سے رابطہ کیا، جب میں وہاں گئی تو مجھے تو اداکاری کے لیے آفر کی گئی، جسے میں نے منع کردیا، مگر زیادہ اصرار کرنے پر آڈیشن ریکارڈ کرا دیا۔
کنزہ ہاشمی نے بتایا کہ ہدایت کار جس ڈرامے کی کاسٹنگ کر رہے تھے انہیں اس کے لئے مجھ جیسی ہی لڑکی کی تلاش تھی، انہوں نے مجھ سے 15 دنوں تک ایکٹنگ کورس کروایا، جس سے مجھے بہت کچھ سیکھنے کو ملا۔
بشریٰ انصاری نے بچے گود لینے سے متعلق کیا کہا؟
کنزہ ہاشمی کا کہنا تھا کہ اس ڈرامے کے لئے مجھے پانچ لاکھ روپے کی بڑی رقم پیش کی گئی، اس وقت میری عمر 16 سال تھی اتنی سی عمر میں یہ پیشکش کافی بہترین تھی، جسے سن کر میں حیرانی میں مبتلا ہوگئی تھی۔ مگر میں نے کسی پر ظاہر نہیں کیا تھا۔
چند روز قبل کنزہ ہاشمی نے اپنی چند تصاویر سوشل میڈیا پر شیئر کی تھیں جنہیں مداحوں کی جانب سے خوب پذیرائی ملی تھی.
View this post on Instagram
