ورلڈکپ فائنل میں آسٹریلیا کے ہاتھوں بھارتی ٹیم کو اپنے ہوم گراؤنڈ میں عبرتناک شکست تھی جس پر شائقین اور بھارتی کرکٹر کافی اداس تھے۔
آئی سی سی فائنل کے بعد اس طرح کی خبریں سامنے آئی تھیں جس میں دعویٰ کیا گیا تھا کہ ویرات کوہلی نے شکست کے بعد غصے یا غم کے سبب کینگرو کپتان پیـٹ کمنز کو سوشل میڈیا پلیٹ فارم انسٹا گرام سے ان فالو کردیا ہے۔
احمد آباد کے نریندر مودی اسٹیڈیم میں آسٹریلیا کے سامنے بھارتی پلیئرز کافی بے بس نظر آئے تھے اور انھیں چھ وکٹوں سے ہزیمت اٹھانا پڑی تھی۔ کوہلی اور روہت سمیت سارے پلیئرز کافی افسردہ تھے جبکہ کچھ کھلاڑی رو رہے تھے۔
ایسے میں کسی نے خبر اڑا دی کہ آسٹریلیا کے چھٹے آئی سی سی کرکٹ ورلڈ کپ ٹائٹل جیتنے کے بعد بھارتی کرکٹر ویرات کوہلی نے کپتان پیٹ کمنز کو انسٹاگرام پر ان فالو کردیا ہے۔
اب ویرات کے انسٹاگرام پروفائل کو دیکھنے کے بعد حقیقیت سامنے آئی ہے۔ بھارتی کرکٹر نے انھیں ان فالو نہیں کیا بلکہ 19 نومبر کو فائنل کے چار دن بعد 23 نومبر 2023 تک وہ آسٹریلوی کپتان کے اکاؤنٹ کو فالو کر رہے تھے۔
قابل ذکر بات یہ ہے کہ کمنز بھی بھارتی سپر اسٹار ویرات کوہلی کو انسٹاگرام پر فالو کرتے ہیں، اس بات کی تصدیق ہوگئی ہے کہ وائرل ہونے والا دعویٰ غلط تھا۔
