کراچی : کورنگی میں مشتعل افراد نے پولیس موبائل میں بیٹھے ڈاکو کو تشدد کرکے مار ڈالا، اسٹریٹ کرائم میں ملوث ایک ملزم بھی گرفتار ایک شہری زخمی ہوگیا۔
تفصیلات کے مطابق کراچی کے علاقے کورنگی میں ڈکیتی کی واردات کے دوران فائرنگ شہری زخمی ہو گیا، واقعے میں ملوث دو مبینہ ڈکیتوں کو شہریوں نے پکڑ لیا، بدترین تشدد سے ایک ڈکیت ہلاک اور دوسرا زخمی ہوگیا۔
پولیس کے مطابق کورنگی ڈیڑھ نمبر کے قریب آر مارکیٹ میں دو مسلح ڈکیت شہری سے لوٹ مار کر رہے تھے کہ مزاحمت پر ڈکیتوں نے فائرنگ کر دی جس سے فیضان نامی نوجوان زخمی ہوگیا جسے تشویشناک حالت میں کورنگی کے نجی اسپتال منتقل کر دیا گیا ہے۔
Karachi korangi people tortured and killed one accused in police mobile, who was involved in street crime, one co-accused also arrested, and one citizen injured.#Karachi#CrimeNews pic.twitter.com/KIpLCxsjHY
— Salman Lodhi (@Salmanlodhi_85) December 19, 2022
فائرنگ کا واقعہ دیکھ کر وہاں موجود لوگوں نے ہمت دکھائی اور دو مبینہ ڈکیتوں کو پکڑ لیا اور خوب تشدد کا نشانہ بناتے رہے، پولیس موقع پر پہنچی اور ڈاکو کو حراست میں لے کر تھانے منتقل کرنے لگی تو شہریوں نے پولیس موبائل میں گھس کر ایک مبینہ ڈکیت کو تشدد کرکے مارڈالا۔
کورنگی پولیس کے مطابق مارے جانے والے ڈکیت کے قبضے سے اسلحہ برآمد ہوا ہے، ہلاک ہونے والے ڈکیت کی شناخت عرفان اور زخمی افراد کی شناخت راشد کے ناموں سے ہوئی ہے۔
