The news is by your side.

Advertisement

کویتی وزیر خارجہ نے پاکستانی ہم منصب کی دعوت قبول کرلی

اسلام آباد / کویت سٹی : کویت کے وزیر خارجہ نے پاکستانی ہم منصب کی دورے کی دعوت قبول کرلی۔

دفتر خارجہ کے ترجمان کی جانب سے جاری ہونے والے اعلامیے میں بتایاگیا ہے کہ کویتی وزیر خارجہ 18 مارچ کو پاکستان کے دو روزہ دورے پر اسلام آباد پہنچیں گے۔

ترجمان دفتر خارجہ کے مطابق کویتی وزیر خارجہ پاکستانی ہم منصب شاہ محمودکی دعوت پر وفد کے ہمراہ پاکستان آرہے ہیں۔ دفتر خارجہ کے مطابق کویتی وزیر خارجہ کے ہمراہ وفد میں تجارت، صحت، داخلہ اور صنعتی شخصیات شریک ہوں گی۔

دفتر خارجہ کے مطابق کویتی وزیر خارجہ پاکستانی ہم منصب سے مختلف معاملات پر بات چیت اور مذاکرات کریں گے جبکہ مہمان وزیر خارجہ دیگر حکام سے بھی ملاقاتیں کریں گے۔

ترجمان دفتر خارجہ کے مطابق پاکستان اور کویت کے درمیان مختلف شعبوں میں قریبی اور برادرانہ تعلقات ہیں۔

قبل ازیں وفاقی وزیر داخلہ شیخ رشید احمد نے کہا تھا کہ کویت کے لیے 2011 سے بند ویزوں کا اجرا جلد کیا جائے گا۔ اُن کا کہنا تھا کہ ’حکومت کی طرف سے یہ خوشخبری سنانے جارہا ہوں کہ کویت کے ویزے بحال ہونے جارہے ہیں جو 2011 سے بند تھےُ۔

ان کا کہنا تھا کہ جس دن کویت نے ہوائی اڈے کھولے، اُسی روز سے ویزے بھی کھل جائیں گے، جس کے بعد لوگوں کے روزگار کا اہم مسئلہ بھی حل ہوجائے گا‘۔

Comments

یہ بھی پڑھیں